En cumprimento da resolución da alcaldía de data 10-7-2003 e do disposto nos artigos 78 do Real decreto lexislativo 2/2000, do 16 de xuño, do texto refundido da Lei de contratos das administracións públicas e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de obra de rehabilitación da casa da xuventude de Ribadeo.

1. Obxecto: a rehabilitación dun edificio destinado á casa da xuventude de Ribadeo.

2. Tramitación : urxente.

3. Procedemento: aberto.

4. Sistema de adxudicación: concurso.

5. Tipo de licitación e financiamento: 339.036,83 A, incluído IVE, financiamento plurianual segundo o prego de condicións.

6. Prazo de execución: 18 meses.

7. Prazo de garantía: un ano contado desde a data de sinatura da acta de recepción das obras.

8. Fianza provisional: 2% do orzamento de licitación, artigo 35 do TRLCAP.

9. Fianza definitiva: 4% do importe da adxudicación, artigo 36 TRLCAP.

10. Clasificación empresarial requirida: grupo C, subgrupo 1, categoría c; grupo K, subgrupo 1, categoría c.

11. Presentación de ofertas: durante os 13 días naturais seguintes ó da publicación deste anuncio

no BOP ou DOG, cos requisitos do prego de condicións, presentándoas no rexistro do concello ou remitíndoas por correo, comunicándoo, neste caso, mediante telegrama ou fax.

O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, Praza de España n 1. 27700 Ribadeo-Lugo. Teléfono: 982 12 86 50. Fax: 982 13 09 75, horario de atención ó público de 9.00 a 14.00 horas, de luns a venres.

12. Modelo de proposición: o que figura como modelo de proposición no anexo do prego de condicións económico-administrativas particulares.

13. Apertura de proposicións: realizarase de conformidade co previsto no prego de condicións económico-administrativas particulares antecitado.

Ribadeo, 10 de xullo de 2003.

Fernando Suárez Barcia

Alcalde accidental