Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 858/2002, por instancia de Manuel López Novo e outros contra Granxas Carballos, S.L. sobre indemnización por despedimento, nos que recaeu sentencia en data 6 de xuño de 2003, que copiada nos particulares necesarios di así:
«Que estimando a demanda formulada por Manuel López Novo, Rosa María Reborido Pardo, Miguel Ángel Mourelle Porteiro e Constantino Villasuso Santalla, condeno a empresa Granxas Carballos, S.L. a aboárlle-las cantidades seguintes: a Manuel López Novo 5.890,24 euros, Rosa María Reborido Pardo 5.265,61 euros, a Miguel Ángel Mourelle Porteiro 446,53 euros e a Constantino Villasuso Santalla 6.665,11 euros.
Notifíqueselle esta resolución as partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.
Previndo a empresa demandada que para recorrer deberá acreditar ter ingresado na c/c de consignacións código 5604.0000.60 0858/02 Banesto desta cidade, denominada Conta do Xulgado do Social número tres, o importe da condena e 150,25 euros en concepto de depósito, sen estes requisitos non será admitido a trámite o recurso, quedando firme a sentencia.
Así por esta miña sentencia da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Granxas Carballos, S.L., expido e asino a presente cédula na Coruña o 17 de xuño de 2003.
O secretario xudicial
Rubricado