O Consello da Xerencia Municipal de Urbanismo, en sesión do 30 de abril de 2003, adoptou, entroutros, o seguinte acordo:

«Primeiro.-Aprobar inicialmente o estudio de detalle de ordenación de volumes e reaxuste das aliñacións do cuarteirón 90 do plan especial de conxuntos, edificios e elementos que hai que conservar, definidos polas rúas Joaquín Loriga, Ecuador, Fisterra e Venezuela presentado pola entidade mercantil Red Inmobiliaria Diz, S.L., segundo proxecto redactado polos arquitectos José Manuel Alonso

Ogando, Enrique Urdiales Santiago e Miguel Marín Irazola, visado polo colexio oficial correspondente o 12 de marzo e 17 de xullo de 2002.

Segundo.-Suspende-lo outorgamento de licencias de parcelación, edificación ou demolición no ámbito territorial do estudio de detalle que inicialmente se aproba, delimitado ó norte polas rúas Ecuador e Fisterra, ó sur e oeste coa rúa Venezuela e ó leste pola rúa Joaquín Loriga.

Terceiro.-Somete-lo expediente a información pública durante o prazo de vinte días, mediante publicación de anuncios no DOG, no BOP e nun dos xornais de maior circulación da provincia, con notificación individual ós propietarios afectados».

O prazo de exposición ó público entenderase aberto desde a primeira publicación ata vinte días contados desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa do edificio da xerencia.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.

Vigo, 20 de maio de 2003.

Lois Pérez Castrillo

Alcalde-presidente da Xerencia Municipal

de Urbanismo