Visto o expediente para outorgamento de autorización administrativa, aprobación do proxecto de execución e declaración de utilidade pública, en concreto, das instalacións eléctricas que a seguir se detallan:
Solicitante: Unión Fenosa Distribución, S.A.
Domicilio social: avda. de Arteixo, 171, A Coruña.
Denominación: L.M.T., C.T., R.B.T. Montemeá-Castizón.
Situación: Aranga.
Descricións técnicas: liña eléctrica aérea a 15/20 kV, sobre apoios de formigón e metálicos e conductor forrado PAS-50, de 759 m de lonxitude coa orixe na liña que alimenta o C.T. Ponte Aranga e final no C.T. Montemeá-Castizón, que se vai instalar. Centro de transformación tipo intemperie, de 50 kVA e tensións de 15-20/0,380-0,220 kV, do que parte rede de baixa tensión en conductor R.Z., de 70 m de lonxitude, no termo municipal de Aranga.
O expediente someteuse ós trámites ordenados na Lei 54/1997, do 27 de novembro (BOE nº 285), do sector eléctrico, e no título VII do Real decreto, do 1 de decembro (BOE nº 310), sobre autorización de instalacións de enerxía eléctrica.
Na fase de información pública presentáronse as seguintes alegacións:
O propietario do predio nº 7/1, José Freire González, alega que non está conforme co voo da liña sobre a súa leira, posto que o seu paso ocasiona desperfectos nela.
Unión Fenosa Distribución, S.A., manifesta que a perda de valor sufrida na parcela poderá reclamalo, no momento procedemental correspondente, achegando folla de aprecio.
Vista a Lei 54/1997, do 27 de novembro, e o Real decreto 1955/2000, do 1 de decembro, esta delegación provincial resolve:
Autorizar, aproba-lo proxecto de execución e declarar de utilidade pública, en concreto, as devanditas instalacións, nas que as características se axustarán en tódalas súas partes ás que figuran no anteproxecto e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a un ano, contado a partir da data desta resolución.
A declaración de utilidade pública leva implícita a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación.
Contra esta resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.
A Coruña, 4 de xuño de 2003.
Manuel Estévez Mengotti
Delegado provincial da Coruña en funcións