Visto o expediente da revisión salarial e calendario laboral do convenio colectivo do sector da pintura que tivo entrada nesta delegación provincial o día 4-6-2003, subscrito en representación da parte económica por APECCO, e da parte social pola UGT e CIG o día 3-6-2003, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 19 de xuño de 2003.
Elisa Madarro González
Delegada provincial da Coruña
Acta nº 2 do convenio colectivo do sector da pintura, provincia da Coruña
Asistentes:
Por APECCO:
César Prado Maceiras.
José Ángel Brey Castro.
Oliver Vázquez Llatser.
Antonio Fernández Chao (asesor).
Miguel García Eiroa (secretario).
Por UGT: José Carlos Rodríguez del Río.
Por CIG:
José Luis Rúa Lamas.
Victorino Ares Prado.
Faustino Barcia Santos.
Vicente Moreira Sobrido.
Na cidade da Coruña o 3 de xuño de 2003, ás 17.00 horas, reúnense nos locais de APECCO, os señores que arriba se relacionan, para proceder á revisión económica correspondente ó ano 2002 do convenio colectivo da pintura da provincia da Coruña, así como á negociación do calendario laboral.
Acórdase efectua-la revisión económica correspondente ó año 2002, que é do 1,25%. Actualizadas as táboas salariais quedan da maneira que se indica no anexo.
A actualización dos complementos salariais e extrasalariais queda da seguinte maneira:
-Prima de asistencia e puntualidade: axudantes e peóns: 4,67 euros (por día efectivo de traballo). Oficiais de 1ª e 2ª: 5,92 euros.
-Complemento de altura (por día ou fracción): 1,79 euros.
-Lavado de roupa (ó mes): 1,27 euros.
-Axuda de custos: 21,98 euros.
-Media axuda de custos (fóra da localidade ou residencia): 6,59 euros.
-Desprazamento (fóra do termo municipal a menor distancia de 10 km): 2,34 euros.
-Complemento de transporte (por día efectivo de traballo): 5,52 euros.
A parte patronal propón como festivos de convenio para o ano 2003 os que a seguir se relacionan: 6 e 31 de xullo. 7 e 28 de novembro. 5, 24, 26 e 31 de decembro. O 30 de decembro 4 horas.
Pola súa banda, os sindicatos propoñen os seguintes:
24 de xullo. 14 de agosto. 6, 8 e 31 de outubro. O 5 de decembro 4 horas. 24, 26 e 31 de decembro.
Finalmente apróbase o seguinte calendario laboral para o 2003:
24 de xullo.
6 e 31 de outubro.
28 de novembro.
5, 24, 26 e 31 de decembro.
O 30 de decembro 4 horas.
Como a representatividade das centrais sindicais UGT e CIG supera a porcentaxe esixida polo artigo 89.3º do Estatuto dos traballadores, queda aprobada a revisión para o 2002 e o calendario laboral de 2003.
Facúltase a Miguel García Eiroa, secretario, para a presentación dos mencionados acordos ante a dele
gación provincial de Xustiza, Interior e Relacións Laborais da Xunta de Galicia, para efectos da súa homologación e posterior publicación no BOP e no Diario Oficial de Galicia.
En proba de conformidade, asínase esta acta no lugar e a data arriba indicados.
ANEXO
Táboa revisada de 2002
Categoría Salario día Salario mes Paga de verán Paga de Nadal
* Administrativos:
Xefe de primeira e peritos 1.025,56 1.456,77 1.456,77
Oficial de primeira 797,32 1.132,66 1.132,66
Oficial de segunda 731,64 1.039,40 1.039,40
Auxiliar 656,97 933,36 933,36
Auxiliar axudantes 508,02 721,85 721,85
* Operarios:
Oficial de primeira 19,51 834,59 834,59
Oficial de segunda 19,12 817,64 817,64
Axudante 18,80 804,18 804,18
Peóns 18,12 775,23 775,23
Categoría Euros/ano
Persoal administrativo:
Xefe de primeira e peritos 16.455,19
Oficial de primeira 13.067,91
Oficial de segunda 12.093,19
Auxiliar 10.985,16
Auxiliar axudante 8.774,83
* Persoal obreiro:
Oficial de primeira 11.476,25
Oficial de segunda 11.301,11
Axudante 10.850,44
Peóns 10.543,98