Visto o acordo da revisión salarial do convenio colectivo para a empresa Residencia de Anciáns Nuestra Señora del Carmen de Sarria (código 2700762), da provincia de Lugo, asinado o día 17 de marzo de 2003, pola representación da citada empresa e a dos seus traballadores, e de conformidade co disposto no artigo 90 números 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, esta delegacion provincial
ACORDA:
Primeiro.-Ordena-la inscrición da revisión do citado convenio colectivo no rexistro de convenios desta delegación, así como o seu depósito.
Segundo.-Remiti-lo texto da revisión do mentado convenio á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 9 de maio de 2003.
Ana Chao Vázquez
Delegada provincial de Lugo
Acta
Asistentes:
Pola empresa:
Luis Pardo Fernández (34256996).
Josefa Castro Fernández (34463494).
Pola parte social:
Amalia Toirán Armesto (76613676), representante sindical de CC.OO., 100%.
Luis Anxo Fernández Pena (33832404), asesor de CC.OO.
En Sarria, sendo as 17.00 horas do día 17 de marzo do ano 2003, xúntanse nos locais da Residencia de Anciáns Nuestra Señora del Carmen de Sarria, as persoas sinaladas á marxe, todas elas da comisión negociadora para o persoal da Residencia de Anciáns Nuestra Señora del Carmen de Sarria (Lugo) e, despois de amplas deliberacións, adoptan os seguintes acordos:
Primeiro.-Apróbanse as táboas salariais para o ano 2003, co incremento salarial de 21,17 euros/mes para tódalas categorias (anexo I).
Segundo.-Para as revisións económicas terase en conta a cláusula de revisión salarial, que garantirá sempre o poder adquisitivo en caso de desviación do IPC do ano 2003.
Terceiro.-Acórdase non desconta-lo complemento de asistencia no período vacacional.
Cuarto.-Acórdase ampliar nun día mais os permisos por asuntos propios, pasando para o ano 2003 a un total de sete (7) días.
Quinto.-Acórdase a reducción de xornada, pasando para o ano 2003 a ser de 39 horas semanais.
Sexto.-Acórdase a cobertura das baixas de longa duración.
Sétimo.-Acórdase que a empresa dotara o persoal de guantes suficientes para o desenvolvemento do seu traballo.
Oitavo.-Acórdase finalmente remiti-las presentes actas e o texto do convenio, xunto cos seus anexos, á autoridade laboral competente para os efectos legais oportunos.
E non tendo máis asuntos que tratar, péchase a xuntanza sendo as 18.00 horas da data sinalada ó comenzo.
Rubricado.
ANEXO
Táboas salariais para o ano 2002
base de
asistencia
Categorías Salario
Compl.
Compl. de domingos e festivos
Director 1.198,42 75,77 38,63 Xerente 1.148,42 75,77 38,63 Médico 1.003,21 75,77 38,63 ATS/DUE 805,67 75,77 38,63 Asistente social 805,67 75,77 38,63 Fisioterapeuta 805,67 75,77 38,63 Terapeuta ocupacional 805,67 75,77 38,63 Gobernanta 664,11 75,77 38,63 Porteiro-recepcionista 639,75 75,77 38,63 Animadora social 639,75 75,77 38,63 Auxiliar de clínica 639,75 75,77 38,63 Cociñeira 639,75 75,77 38,63 Auxiliar administrativo 639,75 75,77 38,63 Axudante de cociña 600,65 75,77 38,63 Camareira-limpadora 600,65 75,77 38,63 Oficios varios 600,65 75,77 38,63
ANEXO I
Táboas salariais para o ano 2003
base de
asistencia
Categorías Salario
Compl.
Compl. de domingos e festivos
Director 1.219,59 75,77 38,63 Xerente 1.219,59 75,77 38,63 Médico 1.024,38 75,77 38,63 ATS/DUE 826,84 75,77 38,63 Asistente social 826,84 75,77 38,63 Fisioterapeuta 826,84 75,77 38,63 Terapeuta ocupacional 826,84 75,77 38,63 Gobernanta 685,28 75,77 38,63 Porteiro-recepcionista 660,92 75,77 38,63 Animadora social 660,92 75,77 38,63 Auxiliar de clínica 660,92 75,77 38,63 Cociñeira 660,92 75,77 38,63 Auxiliar administrativo 660,92 75,77 38,63 Axudante de cociña 621,82 75,77 38,63 Camareira-limpadora 621,82 75,77 38,63 Oficios varios 621,82 75,77 38,63
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA