De conformidade co acordo adoptado pola Comisión de Goberno, en sesión do 23 de abril, e co disposto nos artigos 78 e 159 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas, anúnciase o concurso para a adxudicación do servicio de cafetería do Centro Sociocultural, Xuvenil e da Terceira Idade.

1. Entidade adxudicadora: Concello de Riotorto.

2. Obxecto do contrato:

a) Descrición: é obxecto deste concurso a concesión da explotación do servicio de cafetería do Centro Sociocultural, Xuvenil e da Terceira Idade.

b) Lugar de execución: o servicio prestarase nas dependencias e lugares sinalados no prego de condicións técnicas.

c) Prazo de execución: a duración da concesión será por cinco anos contados a partir da data de formalización do contrato, podéndose prorrogar por outros cinco máis.

3. Tramitación, procedemento e forma de adxudicación: a tramitación será ordinaria por procedemento aberto e forma de concurso.

4. Canon: establécese a cantidade de 1.000,00 euros anuais máis o IVE correspondente.

5. Garantías: non se esixe garantía provisional, a garantía definitiva será do 4% do importe da adxudicación.

6. Documentación: a documentación e a información facilitarase ata o día anterior á data de finalización do prazo de presentación das ofertas nas oficinas municipais, sitas na praza das Rodrigas nº 1, 27744 Riotorto. Tfno.: 982 34 62 22 e 982 34 64 18. Fax: 982 34 60 33.

7. Clasificación do contratista: non se esixe.

8. Presentación de ofertas: presentaranse na Secretaría Municipal durante o prazo de vinteseis días naturais, de 10.00 a 14.00 horas, contando desde o seguinte ó da publicación deste anuncio no BOP e no Diario Oficial de Galicia.

9. Proposicións e documentación complementaria: a esixida na cláusula 7 do prego de condicións administrativas.

10. Apertura dos sobres:

-Documentación xeral: terá lugar ás 12 horas do día seguinte hábil ó de terminación do prazo de presentación de proposicións, se este fose sábado, realizarase o seguinte día hábil.

-Apertura de proposicións: o acto público da apertura de proposicións realizarase o sexto día hábil contado desde o seguinte ó de apertura da docu

mentación xeral, ás 12.00 horas, de ser sábado, celebrarase o seguinte día hábil.

11. Criterios que servirán de base para a adxudicación:

-Experiencia profesional, ata un máximo de 10 puntos.

-Prestacións complementarias que poidan constituír mellora na prestación do servicio, ata un máximo de 30 puntos.

-Canon anual que se satisfará, ata un máximo de 15 puntos.

-Mobiliario, vaixela e outro material que se instale, ata un máximo de 10 puntos.

-Abaratamento de prezos, ata 10 puntos.

12. Gastos: o contratista queda obrigado ó pagamento do importe dos anuncios e de cantos outros gastos se ocasionen, de conformidade co establecido nos pregos de cláusulas administrativas.

Riotorto, 24 de xuño de 2003.

José López Cabodevila

Alcalde