Por Orde do 10 de marzo de 2003 (DOG nº 62, do 28 de marzo), a Consellería de Xustiza, Interior e Administración Local anunciou medidas de apoio á Policía Local de Galicia, consistentes na cesión de vehículos especialmente preparados para o exercicio das súas funcións.

Analizadas as solicitudes e a súa documentación polos servicios competentes da Dirección Xeral de Administración Local, emitiuse o correspondente informe, e de conformidade co punto 5.2º da citada orde,

RESOLVO:

Primeiro.-Conceder con cargo á aplicación 13.05.624.0, programa 123.A, dos orzamentos xerais da Comunidade Autónoma de Galicia para 2003, a cesión en propiedade de un vehículo equipado para uso da policía local ós seguintes concellos:

* Marca e modelo: Seat Córdoba Stella 1.9 TDI.

Concellos destinatarios: Carnota, Cee, A Laracha, Noia, Sarria, Vilalba, Verín, Baiona, Cambados, Lalín e Nigrán.

* Marca e modelo: motocicleta Piaggio, Hexagon GT 250.

Concellos destinatarios: A Pobra do Caramiñal, Tordoia, Xinzo de Limia, Soutomaior e Tui.

Segundo.-Notifica-lo contido desta resolución ós concellos beneficiarios, especificando as condicións particulares que deberán cumprir e que se formalizarán mediante convenio no que constará o acordo da cesión e a aceptación do cesionario.

Terceiro.-Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes contado a partir do día seguinte ó da publicación desta orde, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do seguinte ó da publicación desta orde. En todo caso non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.

Santiago de Compostela, 24 de xuño de 2003.

Antonio Pillado Montero

Conselleiro de Xustiza, Interior e Administración

Local