O convenio de apoio financeiro ó sector pesqueiro subscrito entre o Instituto Galego de Promoción Económica e as entidades financeiras, publicado mediante Resolución do 22 de xuño de 2001 (DOG nº 133, do 10 de xullo), prevé na súa cláusula 1ª a publicación anual no Diario Oficial de Galicia do límite de crédito dispoñible para a concesión de axudas e as partidas orzamentarias asignadas ó seu financiamento.
Como sexa que se consideran cumpridos os obxectivos do convenio e estando este en trámite de denuncia con efectos do 1 de xaneiro de 2004, para efectos de atende-los proxectos de investimento que tivesen unha resolución de concesión de subvención de data anterior ó 31 de decembro de 2002, ó abeiro das ordes da Consellería de Pesca, Marisqueo e Acuicultura, de datas 14, 17, 26 de xullo e 21 de setembro de 2000, procede facer público o importe da anualidade do 2003 do citado convenio.
Polo que antecede,
RESOLVO:
Único.-Facer público que para o ano 2003, no ámbito do convenio de apoio financeiro ó sector pesqueiro galego subscrito entre o Instituto Galego de Promoción Económica e as entidades financeiras, publicado mediante Resolución do 22 de xuño de
2001 (DOG nº 133, do 10 de xullo) non poderá supera-los 7.212.125 euros e que as axudas se financiarán con cargo ás aplicacións orzamentarias 02.01.01/05/01.656700, 02.01.01/05/02.656700, 02.01.01/05/03.656700, 02.01.01/05/04.656700 e 02.01.01/05/05.656700.
Santiago de Compostela, 19 de xuño de 2003.
Margarita Rodríguez Rama
Directora xeral do Instituto Galego
de Promoción Económica