De acordo co establecido no Decreto 441/1990, do 6 de setembro (DOG do 24 de setembro) polo que se aproba o sistema para a acreditación de laboratorios de ensaio para o control de calidade da construcción, a Orde FOM 2060/2002, do 2 de agosto (BOE do 13 de agosto) pola que se aproban as disposicións reguladoras das áreas de acreditación e a proposta da Dirección Técnica de Construccións e con informe favorable do Servicio de Calidade na Edificación, conforme establecen os artigos 12.h e 18.3.1 do Decreto 70/1997, do 14 de marzo (DOG do 10 de abril), a Dirección Xeral do Instituto Galego da Vivenda e Solo

RESOLVE:

Primeiro.-Concederlle a acreditación e inscribir no Rexistro de Laboratorio de Ensaios para o Control de Calidade da Construcción a Agbar Certificación, S.L. con domicilio no Polígono Industrial de San Cibrao das Viñas, r/ 4, parcela-21, 32901 San Cibrao das Viñas (Ourense), polo prazo e condicións a que

se refire o artigo 4 do anexo do Decreto 441/1990, do 6 de setembro, na área de:

1.1. Área de control do formigón fresco. Ensaios básicos (EHF).

Número de rexistro 15 002 EHF 03 B.

Segundo.-Calquera variación nas condicións que serviron de base para a acreditación do laboratorio deberá ser comunicada a esta dirección xeral no momento que se produza.

Terceiro.-Este laboratorio e a súa acreditación considérase dependente do laboratorio Agbar Certificación, S.L. inscrito co número 15 001 EHA 03 B.

Contra esta resolución, que non pon fin á vía administrativa, pódese interpor recurso de alzada ante o conselleiro de Política Territorial, Obras Públicas e Vivenda, no prazo dun mes a partir do día seguinte ó da notificación desta resolución.

O que se fai público para xeral coñecemento.

Santiago de Compostela, 3 de xuño de 2003.

José Antonio Redondo López

Director xeral do Instituto Galego da Vivenda

e Solo