O Concello de Ferrol e a Universidade da Coruña convocan estes premios co fin de apoiar e impulsa-los labores de investigación realizados no ámbito universitario e no mundo empresarial nas áreas de enxeñería naval, humanidades, enxeñería industrial e nas áreas de saúde e relacións laborais respectivamente. Estes premios terán carácter bianual; convócanse para os anos pares os Premios de Investigación González Llanos de Enxeñería Naval e Concepción Arenal de Humanidades e para os anos impares os Premios de Investigación Enxeñeiro Comerma de Enxeñería Industrial e Antonio Usero das áreas de saúde e relacións laborais (neste último alternándose entre si). Tódolos premios están dotados con 12.020,24 euros e o prazo de presentación de solicitudes antes do 15 de setembro do ano correspondente a cada convocatoria. Máis información: http://www.cdf.udc.es. Tfno.: 981 33 74 00, ext.: 3800.

Ferrol, 21 de maio de 2003.

Manuel José Recuero Astray

Vicerrector do Campus de Ferrol