Eu, Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 123/2003, por instancia de Alfonso Abruñedo Pan contra Abruñedo y Fernández, S.L., sobre despedimento nos que recaeu sentencia, con data do 15-5-2003, que, copiada nos particulares necesarios, di así:
«Decido que estimando a demanda promovida por Alfonso Abruñedo Pan contra Abruñedo y Fernández, S.L., debo declarar e declaro improcedente o despedimento efectuado ó demandante e, así mesmo, extinguida a relación laboral que unía os litigantes no día de hoxe, condenando a demandada a estar e pasar pola anterior declaración e o aboamento da cantidade de 341,21 euros en concepto de indemnización e os salarios deixados de percibir desde a data de despedimento ata esta resolución, que ascenden á suma de 3.268,14 euros.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia, no plazo de cinco días contados a partir do seguinte ó da súa notificación, anunciando o propósito de presentalo mediante comparencencia ou por escrito, é
indispensable que ó tempo de anuncialo o recorrente, si é empresario, exhiba diante deste xulgado do social o xustificante acreditativo de ter depositado na conta aberta no Grupo Banesto (Banco Español de Crédito, S.A. y Banco de Victoria, S.A.), co número 5.605 0000 60 0123 03, a cantidade obxecto de condena, poderá substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non se poderá ter por anunciado o recurso e quedará firme a sentencia. Deberase consignar, ademais a cantidade de 150,25 euros na mesma conta 5.605 0000 65 0123 03 e entrega-lo xustificante na secretaría ó tempo de interpoñe-lo recurso, que se declarará desistido de non constituírse o dito depósito na forma indicada. Definitivamente xulgando en primera instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación á empresa Abruñedo y Fernández, S.L., expido e asino esta cédula na Coruña, 26 de maio de 2003.
A secretaria xudicial
Rubricado