De conformidade co establecido na convocatoria de libre designación (1/2003) entre funcionarios para provisión dun posto de traballo, publicada no Diario Oficial de Galicia nº47, do 7 de marzo de 2003.
Resultando que se presentaron dentro do prazo sinalado nas bases de convocatoria varias solicitudes para cubri-lo posto de que se trata, xefe do Servicio de Organización, Calidade e Modernización.
Considerando que tódolos aspirantes reúnen as condicións indispensables para acceder ó posto, segundo as características del, sinaladas no anexo I da convocatoria.
Considerando que da documentación presentada polos aspirantes e da valoración conxunta e ponderada dos méritos alegados e documentados por cada un deles, se desprende que a maior adecuación ó posto a presenta o aspirante que logo se dirá, por concorrer nel simultaneamente unha ampla e diversificada titulación profesional, tanto específica das funcións do posto, como relativa ás áreas de organización, sistemas de calidade, auditoría interna e novas tecnoloxías, á rama administrativa e ás funcións directivas; ampla experiencia nos distintos niveis das Administración local; formación acreditada nos diversos sectores de actuación das entidades locais e especialmente nos relacionados coas funcións do posto que se vai cubrir a través da convocatoria; circunstancias que o fan especialmente idóneo para asumir postos de carácter directivo e de responsabilidade e, en concreto, o posto obxecto da convocatoria, con preferencia sobre os demais candidatos; constituíndo todo o exposto causa
razoable e suficiente, axustada ó interese propio e congruente coa finalidade do nomeamento, para efectualo a favor de tal aspirante.
Designa-lo funcionario que de seguido se expresa, para cubri-lo posto que así mesmo se indica, polo sistema de libre designación na convocatoria de que deixa feito mérito:
Posto de traballo: xefe de servicio.
Adscrición: Servicio de Organización, Calidade e Modernización.
Apelidos, nome e DNI: Martínez Loira, Jesús Ángel; 52495369-P.
O cesamento no actual destino efectuarase no prazo de tres días, contados a partir do seguinte ó da publicación desta resolución no Diario Oficial de Galicia.
A toma de posesión deberase realizar no prazo de tres días, a partir do seguinte ó do cesamento, se se trata da mesma localidade na que preste os seus servicios o funcionario, ou no prazo dun mes se se trata de distinta localidade.
Contra esta resolución poderase interpoñer recurso potestativo de reposición ante a Presidencia desta deputación, nos termos e prazos sinalados na Lei 30/1992, do réxime xurídico das administracións públicas e do procedemento administrativo común, ou directamente recurso contencioso-administrativo nos termos e prazos sinalados na Lei 29/1998, reguladora da xurisdicción contencioso-administrativa.
A Coruña, 19 de maio de 2003.
José Luis Torres Colomer
Presidente da Deputación Provincial da Coruña
José Luis Almau Supervía
Secretario da Deputación Provincial da Coruña