Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 142/2003, a instancia de María Carmen Rodríguez Silveira e outras, contra Quelrus, S.L. sobre despedimento, nos que recaeu sentencia en data 12 de maio de 2003 que copiada nos particulares necesarios di así:

«Que estimando a demanda formulada por María Carmen Rodríguez Silveira, Lucinda Vázquez Mariño, Casilda Mecías Castro e María Carmen Recouso Martínez, declaro a improcedencia do seu despedimento e condeno a empresa Quelrus, S.L. que á súa elección, a efectuar no prazo de cinco días, os readmita no seu posto e condicións de traballo ou lles indemnice coa cantidade de 3.777,762 euros a María Carmen Rodríguez Silveira, 3.143,93 euros a Lucinda Vázquez Mariño 4.766,21 euros a Casilda

Mecías Castro e 9.365,67 euros María Carmen Recouso Martínez, así como a aboarlles en concepto de salarios de tramitación a cantidade de 2.194,83 euros, Sra. Rodríguez Silveira, 2.498,13 euros a Sra. Vázquez Mariño, 2.498,13 euros a Sra. Mecías Castor e 2.873,62 euros a Sra. Recouso Martínez.

Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.

Previndo á empresa demandada que para recorrer deberá acredita-lo ingreso na c/c de consignacións código 5604.0000.60 0142/03 de Banesto desta cidade denominada conta do Xulgado do Social número tres o importe da condena e 150,25 euros en concepto de depósito, sen estes requisitos non será admitido a trámite o recurso quedando firme a sentencia.

Así mesmo, advírtese á parte demandada que se fai uso de tal dereito, optando pola readmisión, durante a substanciación do procedemento deberá aboar á parte demandante o mesmo salario que percibiría, estando obrigada esta a presta-los seus servicios á demandada, a menos que a mesma prefira facer uso de tal aboamento sen percibir compensación ningunha por parte da demandante.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste, para efectos da súa publicación no Diario Oficial de Galicia, a fin de que sirva de notificación en forma á empresa Quelrus, S.L., expido e asino este edicto na Coruña o 27 de maio de 2003.

Juan Rey Pita

Secretario xudicial