Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 901/2002, por instancia de Constantino Iglesias Martínez, contra a Pesquerías Mar-Rey, S.L. e outros sobre salarios, nos que recaeu sentencia con data do 23 de maio de 2002 que copiada nos particulares necesarios di así:

«Que estimando a demanda formulada por Constantino Iglesias Martínez, contra as empresas Pesquerías Mar-Rey, S.L., Gabriel García Villanueva e Rodrigo Iván García Reino condeno a estos solidariamente a aboarlle a cantidade de 5.700,24 euros, que lle deben en concepto de salarios.

Notifíqueselles a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.

Previndo á empresa demandada que para recorrer deberá acredita-lo ingreso na c/c de consignacións código 5604.0000.60 0901.02 de Banesto desta cidade denominada Conta do Xulgado do Social número tres o importe da condena e 150,25 euros en concepto de depósito; sen estes requisitos non será admitido a trámite o recurso quedando firme a sentencia.

Así, por esta miña sentencia, da que se unirá certificación ós autos orixinais para a súa notificación e cumprimento, xulgándoo pronúncioo, mándoo e asínoo».

E para que conste,para efectos da súa publicación no Diario Oficial de Galicia, co fin de lles que sirva de notificación en forma ás empresas Pesquerías Mar-Rey, S.L., Gabriel García Villanueva e Rodrigo Iván García Reino, expido e asino este edicto na Coruña o 27 de maio de 2003.

Juan Rey Pita

Secretario xudicial