Mediante Resolución do 2 de abril de 2002 fíxose público o contido do convenio entre o Instituto Galego de Promoción Económica (Igape) e diversas entidades financeiras para o apoio ás pequenas e medianas empresas.

Este convenio asinouse co obxecto de establecer liñas de financiamento subsidiadas para as pequenas e medianas empresas, someténdose ó establecido no Decreto 172/2001, do 12 de xullo, sobre incentivos para o desenvolvemento económico e fomento da actividade empresarial na Comunidade Autónoma de Galicia, ás normas específicas contidas no citado convenio e ás que posteriormente se poidan dictar para o seu funcionamento operativo.

A cláusula 9.9 do dito convenio establece que as axudas concedidas ó seu abeiro cando os proxectos superen os 300.506,05 euros de investimento subvencionable serán obxecto de publicación no Diario Oficial de Galicia.

As axudas financeiras concedidas fináncianse con cargo ás aplicacións orzamentarias 02.01.01/01/01.656700 cun crédito plurianual (2002-2004) de 13.671.288 euros e 02.01.01/02/01.656700 cun crédito plurianual (2002-2004) de 570.000 euros.

En virtude do exposto anteriormente,

RESOLVO:

Darlle publicidade á relación de beneficiarios de axudas financeiras, que figura como anexo, cando o proxecto de investimento subvencionable supera os 300.506,05 euros.

Santiago de Compostela, 2 de xuño de 2002.

Margarita Rodríguez Rama

Directora xeral do Instituto Galego de Promoción

Económica

ANEXO