De conformidade co establecido no artigo 59.4º da Lei de réxime xurídico das administracións públicas e do procedemento administrativo común, por este edicto ponse en coñecemento da empresa Pio Pan, S.L., titular do expediente I1/97.0182.0679.N.97000055 relativo a axuda ó abeiro do convenio de apoio financeiro ás Pemes (Resolución do 28 de febreiro de 1997;

DOG nº 58, do 25 de marzo) que con data do 24 de febreiro de 2003 o presidente do Igape acordou o inicio do expediente de incumprimento por non constar no expediente a preceptiva certificación de xustificación de investimentos acreditativa do cumprimento das condicións impostas para a subvención do préstamo aprobado. Procédese, polo tanto, a iniciar procedemento de incumprimento das condicións de concesión da axuda outorgada co obxecto de determina-lo alcance dela, que poderá dar lugar á revogación da axuda concedida e ó reintegro das cantidades indebidamente percibidas, sinalando a este respecto que ó non constar reclamacións de subvencións por parte da entidade financeira, non hai importes indebidamente percibidos pendentes de reintegro, suspendéndose o aboamento da subsidiación concedida ata a resolución do expediente de incumprimento.

Os actos obxecto deste anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. Concédeselle un prazo de quince días hábiles desde a publicación deste edicto no Diario Oficial de Galicia para presentar alegacións co fin de xustifica-la non procedencia deste presunto incumprimento. O expediente ponse de manifesto á entidade neste centro directivo sito en Santiago de Compostela; complexo administrativo San Lázaro, s/n.

Santiago de Compostela, 13 de maio de 2003.

Margarita Rodríguez Rama

Directora xeral do Instituto Galego

de Promoción Económica