De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento da empresa Exciga, S.L., titular do expediente 1/97.2091.0707.N.4900 relativo a axuda ó abeiro do convenio de apoio financeiro ás Pemes (Resolución do 28 de febreiro de 1997; DOG nº 58, do 25 de marzo), que con data do 3 de febreiro de 2003 o presidente do Igape acordou o inicio do expediente de incumprimento por constar unicamente acreditado un investimento de 59.646,55 euros, importe inferior ó comprometido e tamén ó mínimo que se vai considerar segundo convenio (60.101,21 euros). Ademais, deste investimento unicamente se acredita o pagamento de 56.427,77 euros, co que se reduce aínda máis o importe de investimento que hai que ter en conta e, dado que consta pagado con anterioridade á formalización do préstamo que se está a subvencionar un importe de

21.242,08 euros, o importe máximo de préstamo subvencionable sería de 27.159,31 euros, importe que tamén é inferior ó mínimo estipulado (30.050,61 euros). Procédese, polo tanto, a iniciar procedemento de incumprimento das condicións de concesión da axuda outorgada co obxecto de determina-lo alcance dela, que poderá dar lugar á revogación da axuda concedida e ó reintegro das cantidades indebidamente percibidas que sería de 825,94 euros, suspendéndose o aboamento da subsidiación concedida ata a resolución do expediente de incumprimento.

Os actos obxecto deste anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. Concédeselle un prazo de quince días hábiles desde a publicación deste edicto no Diario Oficial de Galicia para presentar alegacións co fin de xustifica-la non procedencia deste presunto incumprimento. O expediente ponse de manifesto á entidade neste centro directivo sito en Santiago de Compostela; complexo administrativo San Lázaro, s/n.

Santiago de Compostela, 13 de maio de 2003.

Margarita Rodríguez Rama

Directora xeral do Instituto Galego

de Promoción Económica