No capítulo VI do título V da Lei orgánica 10/2002, do 23 de decembro, de calidade da educación (LOCE) modifícase substancialmente o procedemento para o nomeamento dos directores dos centros docentes públicos de ensino escolar, establecéndose que se fará mediante concurso de méritos entre profesores funcionarios de carreira dos corpos do nivel educativo e réxime ó que pertenza o centro.

Dado que a aplicación do novo procedemento require un prazo adecuado para desenvolve-lo disposto pola LOCE, establécese, no punto 1 da disposición transitoria primeira da devandita lei, que a duración do mandato do director e demais membros do equipo directivo dos centros públicos nomeados con anterioridade á entrada en vigor dela será a que corresponda á normativa vixente no momento do seu nomeamento e, no punto 2 da citada disposición transitoria, que as administracións educativas poderán prorrogar, por un período máximo dun ano, o mandato dos directores e demais membros do equipo directivo dos centros públicos dos que a súa finalización se produza no ano natural de entrada en vigor da citada lei.

En consecuencia, en uso da atribución outorgada polo punto 2 da disposición transitoria primeira da LOCE, esta consellería

DISPÓN:

Artigo 1º

1. Con carácter xeral, os delegados provinciais procederán a prorrogar por un ano os nomeamentos dos directores e demais membros dos equipos directivos que rematen o seu mandato o 30 de xuño de 2003.

2. En calquera caso, os nomeamentos que se fagan por finalización de mandato na data indicada no punto anterior estenderanse con efectividade do 1 de xullo de 2003 e ata o 30 de xuño de 2004.

Artigo 2º

No caso de que, durante este período transitorio, houbese que substituí-lo director ou a calquera membro do equipo directivo, procederase de acordo co establecido con carácter xeral nos correspondentes regulamentos orgánicos: Regulamento orgánico dos institutos de educación secundaria, aprobado polo Decreto 324/1996, do 26 de xullo, Regulamento orgánico das escolas de educación infantil e dos colexios de educación primaria, aprobado polo Decreto 374/1996, do 17 de outubro, e Regulamento

orgánico dos centros públicos integrados, aprobado polo Decreto 7/1999, do 7 de xaneiro.

Disposicións derradeiras

Primeira.-Autorízanse as direccións xerais de Persoal, e de Centros e Ordenación Educativa, para dicta-las disposicións que sexan precisas para o desenvolvemento e aplicación desta orde.

Segunda.-A presente orde entrará en vigor o día seguinte ó da súa publicación no Diario Oficial de Galicia.

Santiago de Compostela, 6 de xuño de 2003.

Celso Currás Fernández

Conselleiro de Educación e Ordenación

Universitaria

CONSELLERÍA DE POLÍTICA AGROALIMENTARIA E

DESENVOLVEMENTO RURAL