Pola Orde do 30 de xullo de 2001 (DOG nº 160, do 20 de agosto) convocouse o proceso selectivo para o acceso a distintas categorías dos grupos I, II, III, IV e V, sendo elevadas a definitivas as propostas de aspirantes que superaron o proceso selectivo para o acceso ás categorías 17 (asistente social) do grupo II mediante a Orde do 28 de marzo de 2003 (DOG nº 67, do 4 de abril) e 5 (oficial 2ª cociña//cociñeiro/a oficial 2ª) mediante a Orde do 20 de marzo de 2003 (DOG nº 61, do 27 de marzo).

Verificados os requisitos esixidos nas bases da convocatoria e realizado o acto de petición previsto na Orde do 22 de maio de 2003 (DOG nº 101 do 27 de maio), esta consellería, de acordo co previsto no IV convenio colectivo único para o persoal laboral da Xunta de Galicia,

DISPÓN

Primeiro.-Nomear persoal laboral fixo da Xunta de Galicia ós aspirantes aprobados que se relacionan no anexo I, ordenados de acordo coa puntuación final obtida, e adxudicándolles como destinos definitivos os que figuran no anexo II.

Segundo.-Para adquiri-la condición de persoal laboral fixo, as persoas ás que se refire o anexo I deberán tomar posesión do correspondente posto de traballo (anexo II) no prazo dun mes, previsto no artigo 13 do IV convenio colectivo único para o persoal laboral da Xunta de Galicia.

O persoal da categoría 5 (oficial 2ª de cociña// cociñeiro/a oficial 2ª) do grupo IV que obtivese des

tino na Consellería de Educación e Ordenación Universitaria nun posto de traballo a tempo parcial de 9 meses, o prazo de toma de posesión quedará suspendido no período comprendido entre o 27 de xuño e o 26 de setembro, ambos incluídos.

O persoal da categoría 5 (oficial 2ª de cociña//cociñeiro/a oficial 2ª) do grupo IV que obtivese destino na Consellería de Educación e Ordenación Universitaria nun posto de traballo a tempo parcial de 9,5 meses, o prazo de toma de posesión quedará suspendido no período comprendido entre o 1 de xullo e o 14 de setembro, ambos incluídos.

Terceiro.-O prazo de toma de posesión comezará a computarse a partir do día seguinte ó da publicación desta orde no Diario Oficial de Galicia.

Cuarto.-Contra a presente orde, que pon fin á vía administrativa, poden interpoñe-los, aspirantes que accedan pola quenda de promoción interna, reclamación administrativa previa perante o conselleiro da Presidencia, Relacións Institucionais e Administración Pública, no prazo dun mes contado a partir do día seguinte ó da publicación desta orde no Diario Oficial de Galicia, en aplicación dos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, e demais disposicións concordantes e os aspirantes que accedan pola quenda libre, con carácter postestativo, recurso de reposición perante o conselleiro da Presidencia, Relacións Institucionais e Administración Pública no prazo dun mes contado desde o día seguinte ó da publicación desta orde, ou directamente recurso contencioso-administrativo no prazo de dous meses contados desde o día seguinte ó da súa publicación, perante o Xulgado do

Contencioso-Administrativo de Santiago de Compostela, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 3 de xuño de 2003.

Jaime Pita Varela

Conselleiro da Presidencia, Relacións Institucionais e Administración Pública

GRUPO II-CATEGORÍA 017 (ASISTENTE SOCIAL)

GRUPO IV-CATEGORÍA 005 (OFICIAL 2ª COCIÑA E OUTROS)