Enriqueta Roel Penas, secretaria do Xulgado de Primeira Instancia número dez da Coruña.
Certifico que nos autos seguidos neste xulgado por instancia de María Eugenia López Pallas, contra Jesús Dacosta Aller, sobre demanda de medidas provisionais número 693/2002-CH, se dictou auto, con data do 7 de maio de 2003, a parte dispositiva do cal di:
«S.Sª por ante min, secretaria, acorda:
1º A separación provisional de Mª Eugenia López Pallas e Jesús Dacosta Aller.
2º Atribuírlle ó marido o uso e desfrute do domicilio conxugal e do enxoval doméstico.
3º Quedaren os fillos, Kevin e Nerea, baixo e garda e costodia da nai, a cal ten ante ámbolos dous proxenitores a patria potestade.
4º Establecer a favor do pai o seguinte réxime de visitas:
a) As fins de semana, primeira, terceira e quinta de cada mes os anos pares e a segunda e cuarta os anos impares, desde as 12.00 horas do sábado ás 20.00 horas do domingo.
b) En Nadal do 22 ó 29 de decembro os anos pares e do 30 de decembro ó 6 de xaneiro nos anos impares.
c) En Semana Santa do Domingo de Ramos ó Mércores Santo, os anos pares, e do Xoves Santo ó Domingo de Resurrección os anos impares.
d) En verán o mes de xullo nos anos pares e o mes de agosto os anos impares.
En todos estes períodos de visitas o pai recollerá e reintegrará ós menores no domicilio da nai.
Durante os períodos vacacionais non estarán vixentes as medidas relativas ó réxime de visitas.
5º Fixar en 240 euros mensuais a cantidade que o demandado aboará á demandante con efectos do 1º de abril, por mensualidades anticipadas e dentro dos cinco primeiros días de cada mes, polo concepto de alimento para os fillos; a cantidade que ingresará na conta que aquela designe e que será actualizada anualmente con efecto do 1 de febreiro, de acordo coas variacións que experimente o índice de prezos ó consumo».
E para que conste e sirva de cédula de notificación ó demandado rebelde Jesús Dacosta Aller, que se encontra en ignorado paradoiro, estendo e asino este edicto na Coruña, 8 de maio de 2003.
A secretaria xudicial
Rubricado
CONSELLERÍA DE POLÍTICA TERRITORIAL, OBRAS PÚBLICAS
E VIVENDA
