Por acordo plenario do 25 de abril de 2003, foi aprobado o prego de cláusulas administrativas que rexirán a adxudicación polo sistema de poxa, da concesión de postos no mercado municipal de abastos, o cal se expón ó público durante o prazo de oito días, contados a partir do seguinte ó da publicación deste anuncio no DOG, para que poidan presentarse reclamacións.

Simultaneamente anúnciase o concurso, se ben a adxudicación se aprazará canto resulte necesario no suposto de que se formulen reclamacións contra o prego de condicións.

1. Entidade adxudicadora.

a) Organismo: Comisión de Goberno.

b) Dependencia que tramita o expediente: Secretaría.

2. Obxecto do contrato.

a) Descrición: concesión de postos no mercado municipal de abastos.

b) Prazo: 10 anos, prorrogable 5 anos.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: poxa.

4. Tipo de licitación.

Base 3ª do prego.

5. Garantías.

Provisional: 2% do tipo base de licitación.

Definitiva: 4% do orzamento de adxudicación.

6. Obtención de documentación e información.

a) Entidade: rexistro xeral do concello.

b) Domicilio: praza do Reló.

c) Data límite para solicitar presentación: 26 días hábiles a partir da publicación do edicto de licitación no BOP.

7. Presentación de ofertas.

Prazo: cláusula 8 do prego.

Documentación: cláusula 8 do prego.

Lugar de presentación: rexistro xeral do concello.

8. Apertura de ofertas.

Entidade, domicilio e localidade: Concello da Guarda, praza do Reló.

Data e hora: 12 horas do día hábil seguinte ó da finalización do prazo de presentación de ofertas.

9. Gastos dos anuncios.

Serán por conta dos adxudicatarios.

A Guarda, 29 de abril de 2003.

José Luis Alonso Riego

Alcalde