De conformidade coa proposto da comisión designada para xulga-lo concurso que convocou esta universidade por Resolución do 24 de outubro de 2001 (BOE do 19 de novembro), para a provisión da praza número 01/074 de catedrático de escola universitaria da área de coñecemento de dereito administrativo, do departamento de Dereito Público Especial desta universidade, a favor de Gonzalo Barrio García, e unha vez que o interesado acreditara os requisitos ós que alude o punto 2º do artigo 5 do Real decreto 1888/1984, do 26 de setembro.

Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Gonzalo Barrio García, catedrático de escola universitaria da área de coñecemento de dereito administrativo, do departamento de Dereito Público Especial desta universidade.

A Coruña, 12 de maio de 2003.

José Luis Meilán Gil

Rector da Universidade da Coruña