Por resolución da Consellería da Presidencia, Relacións Institucionais e Administración Pública do 30 de decembro de 2002 (DOG do 7 de xaneiro de 2003) abriuse o prazo de solicitudes de axudas para a incorporación de investigadores tecnólogos/visitantes a organismos públicos de investigación da Comunidade Autónoma de Galicia, conforme as bases recollidas no anexo IX da orde da Consellería da Presidencia, Relacións Institucionais e Administración Pública do 1 de abril de 2002.

Tendo en conta os decretos, 22/2003, do 20 de xaneiro, polo que se determinan os centros directivos dependentes da Presidencia da Xunta de Galicia e 23/2003, do 20 de xaneiro, polo que se modifica a estructura orgánica dos departamentos da Xunta de Galicia, as competencias atribuídas á Secretaría Xeral de Investigación e Desenvolvemento foron asumidas pola Dirección Xeral de Investigación e Desenvolvemento da Consellería de Innovación, Industria e Comercio.

Na súa virtude, de acordo co establecido nas bases da convocatoria e atendendo á proposta elaborada pola correspondente comisión de selección de investigación, esta consellería

RESOLVE:

Primeiro.-Concede-las axudas que se relacionan no anexo I desta resolución para a incorporación dos investigadores visitantes ós organismos que se indican.

Segundo.-Establécese unha lista de suplentes para efectos de posibles renuncias ou remanente de crédito, constituída polas persoas que se relacionan no anexo II por orden decrecente de prioridade.

Terceira.-A inobservancia por parte dos beneficiarios de calquera das bases establecidas na Orde do 1 de abril de 2002 suporá a perda do dereito a percibi-la subvención correspondente.

Cuarta.-Os pagamentos faranse conforme o establecido nas correspondentes bases.

Quinta.-As axudas que se conceden están cofinanciadas con fondos FSE do programa operativo integrado de Galicia na Unión Europea.

Sexta.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpo

ñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 9 de maio de 2003.

Juan Rodríguez Yuste

Conselleiro de Innovación, Industria e Comercio

ANEXO I

Universidade da Coruña.

Universidade de Santiago de Compostela.

Universidade de Vigo.

Centro de Investigacións Forestais e Ambientais de Lourizán.

Instituto de Investigacións Mariñas (CSIC).

ANEXO II

Lista de suplentes: