Vistas as peticións de prórroga das concesións que se citan no anexo, resulta:
Antecedentes de feito.
Primeiro.-Por orde do Ministerio de Comercio do 7 de outubro de 1975 (BOE número 254) outórganse 930 concesións administrativas para a instalación doutros tantos parques de cultivo de moluscos na zona do Carril, distrito marítimo de Vilagarcía de Arousa, a precario e por un prazo de 10 anos, prorrogables por petición dos interesados.
Por Orde do 29 de outubro de 1984 (DOG número 227) outórgase concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Ventura Vidal Longa, cunha superficie de 500,50 metros cadrados.
Por Orde do 18 de outubro de 1976 (BOE número 234) outórgase concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de José Otero Berride e Ramón Abelenda Baños, cunha superficie de 14.065 metros cadrados.
Segundo.-Mediante Decreto 158/1991, do 16 de maio, declárase de interese marisqueiro e urxente execución a revisión e reordenación dos citados parques de cultivo, co obxecto de proceder a unha regularización da situación de feito existente, á revisión das circunstancias de titularidade dos parques e á oportuna reordenación que adecue a súa situación e superficie a unha explotación máis racional dos recursos.
Terceiro.-Aprobada a fase de revisión do citado proceso por resolución da Dirección Xeral de Marisqueo e Acuicultura do 26 de decembro de 1995, cómpre proceder ó inicio da fase de reordenación, da que xurdirán as novas concesións, para o que resulta inescusable desestimar, neste momento do proceso, tales peticións de prórroga.
Fundamentos xurídicos.
Primeiro.-Este órgano é competente para resolver tales peticións de conformidade co disposto no Real decreto 3318/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de pesca e na Lei 6/1993, do 11 de maio, de pesca de Galicia.
Segundo.-Tendo en conta que o prazo de vixencia das concesións administrativas que amparan os citados parques expirou, e que de conformidade co disposto na letra C do artigo 72 da Lei 6/1993, do 11 de maio, as concesións se extinguirán polo vencemento do prazo de outorgamento sen que se solicitase e se concedese prórroga.
Por todo o anterior, esta consellería, facendo uso das súas atribucións e competencias, acorda denega-las prórrogas solicitadas e proceder, de conformidade co artigo 72 da Lei 6/1993, do 11 de maio, á extinción das concesións relacionadas no anexo a esta orde.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante o conselleiro de Pesca e Asuntos Marítimos, ou recurso contencioso-administrativo, que se interporá no prazo de dous meses ante a xurisdicción contencioso-administrativa; ámbolos dous prazos contaranse desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común e o artigo 46.1º de la Lei 29/1998, do 13 de xullo, da xurisdicción contencioso-administrativa.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 5 de maio de 2003.
Enrique César López Veiga
Conselleiro de Pesca e Asuntos Marítimos
ANEXO
1. Orde do 7 de outubro de 1975 (BOE número 254) pola que se outorgan 930 concesións administrativas para instalación doutros tantos parques de cultivo de moluscos na zona do Carril, distrito marítimo de Vilagarcía de Arousa.
Parcela nº Nome Superficie m
164 Angustia e Teresa Abuín López 749
179 Carmen Vilas Caamaño 35
185 Avelina Domínguez Raño 27
237 Josefa Torrado España 142
238 Josefa Encisa Insua 170
332 Juan González Alonso 53
354 Juan González Alonso 54
368 Josefa Encisa Insua 69
420 Carmen Teijeiro Ramos 66
471 Manuel Diz Bua 224
488 Constantino Silva Ramos 90
492 Constantino Silva Ramos 48
499 Constantino Silva Ramos 554
500 Rufino Maneiro Crespo 17
554 Flora e Oliva Franco Boullosa 291
570 Antonio Búa Ramos 206
626 Francisco Dios Rial 387
651 Juan González Alonso 243
715 Vicente Berride Teijeiro 239
758 Domingo Moledo Cancelo 960
799 Montserrat Abuín Pardo 341
810 José María Rodríguez Vicente 306
831 José María Rodríguez Vicente 210
892 José Maneiro Gómez 24
2. Orde do 29 de outubro de 1984 (DOG número 227) pola que se outorga concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de Ventura Vidal Longa, cunha superficie de 500,50 metros cadrados.
Parcela nº Nome Superficie m
Exp. 5449 Ventura Vidal Longa 500,50
3. Orde do 18 de outubro de 1976 (BOE número 234) pola que se outorga concesión administrativa para instalar un parque de cultivo de ameixas e berberechos no distrito marítimo de Vilagarcía de Arousa, a favor de José Otero Berride e Ramón Abelenda Baños, cunha superficie de 14.065 metros cadrados.
Parcela nº Nome Superficie m
Abelenda BañosExp. 9743 José Otero Berride e Ramón
14.065