Dilixencia. A Coruña, vintetrés de abril de dous mil tres. Expídoa eu, secretaria, para facer constar que transcorreu o prazo concedido a Cooperativa de Viviendas Monteventoso, sen que comparecese en autos. Dou conta á sala e dou fe.
«José María Arrojo Martínez, presidente.
Carlos López Keller.
José Antonio Méndez Barrera.
A Coruña, vintetrés de abril de dous mil tres.
Feitos:
Primeiro.-Este recurso contencioso-administrativo, rexistrado co número 4011/2000, interposto por Cooperativa de Viviendas Monteventoso, contra resolución do IGVS, do 25 de outubro de 1999, que o dito recorrente foi emprazado en legal forma para que comparecese no recurso no modo e forma que determina a lei xurisdiccional, ó ter sido revogados os poderes outorgados pola recorrente, expedíndose oficio ó Xulgado do Contencioso-Administrativo de Ferrol co fin de que no prazo de dez días puidese comparecer por medio de avogado e procurador, con apercibimento de que, se así non o verificase, se procedería sen máis trámite ó arquivo das actuacións.
Fundamentos xurídicos:
Primeiro.-Que ó non ter comparecido nos autos a parte recorrente, dentro do prazo de dez días que para o efecto lle foron concedidos, procede, de conformidade co disposto, acorda-lo arquivo das actuacións, sen custas.
A sala acorda o arquivo deste recurso contencioso-administrativo número 4011/2002, interposto por Cooperativa de Viviendas Monteventoso, contra Resolución do 25 de outubro de 1999 do Instituto Galego da Vivenda e Solo.
Acordárono e asinárono os señores indicados ó inicio».
Ante min.
A secretaria
Rubricado