Examinada a solicitude de autorización presentada por Ruth García Taboada, en calidade de delegada en Galicia de Eurocontrol, S.A., con CIF G-10082261, con domicilio social en r/ García Olloqui, 6, 4º B, Vigo (Pontevedra), para actuar como organismo de control, a Dirección Xeral de Calidade e Avaliación Ambiental ten en consideración os seguintes feitos:
Primeiro.-Eurocontrol, S.A. foi acreditada por Enac, Entidade Nacional de Acreditación, en data 20-7-2001, como entidade de inspección tipo A, segundo os criterios recollidos na norma UNE EN 45004:95, para as actividades de inspección ambiental, tal e como consta no certificado de acreditación nº 06/EI092, expedido en data 20-7-2001 e con vixencia ata notificación en contra.
Segundo.-Con data 13 de setembro de 2002, Ruth García Taboada, en nome e representación de Eurocontrol, S.A., presentou escrito solicitando, ó abeiro do R.D. 2200/1995, do 28 de decembro, polo que se aproba o Regulamento de infraestructuras de cali
dade e seguridade industrial, que se lle concedese a autorización para actuar como organismo de control nos ámbitos regulamentarios solicitados. Para tal efecto, achegaba a documentación esixida no artigo 43.3º do citado real decreto.
Fundamentos de dereito.
Primeiro.-Esta dirección xeral é competente para resolver este expediente con base no Estatuto de autonomía de Galicia (BOE nº 101, do 28 de abril), nos RR.DD. 1634/1980, do 31 de xullo (BOE nº 191, do 9 de agosto), e 2536/1982, do 24 de xullo (BOE nº 246, do 14 de outubro; DOG nº 30, do 4 de decembro), nos decretos 6/1982, do 29 de xaneiro (DOG nº 2, do 12 de febreiro) e 132/1982, do 4 de novembro (DOG nº 30, do 4 de decembro) e no Decreto 482/1997, do 30 de decembro, polo que se establece a estructura orgánica da Consellería de Medio Ambiente (DOG nº 4, do 8 de xaneiro), modificado polos decretos 14/2002, do 24 de xaneiro (DOG nº 27, do 8 de febreiro), 8/2003, do 18 de xaneiro, polo que se modifica a estructura orgánica da Xunta de Galicia, e 23/2003, do 20 de xaneiro, polo que se fixa a estructura orgánica dos departamentos da Xunta de Galicia, en relación coa Lei 21/1992, do 16 de xullo, de industria (BOE do 23 de xullo) e o Real decreto 2200/1995, do 28 de decembro (BOE do 6 de
febreiro de 1996), polo que se aproba o Regulamento da infraestructura para a calidade e a seguridade industrial e a demais lexislación concordante.
Segundo.-Na tramitación deste expediente cumpríronse tódolos requisitos regulamentarios.
Terceiro.-A documentación presentada por Eurocontrol, S.A. acredita que a empresa cumpre coas esixencias xerais establecidas no artigo 43.3 do R.D. 2200/1995, do 28 de decembro, para a súa actuación nos ámbitos regulamentarios solicitados.
A Dirección Xeral de Calidade e Avaliación Ambiental, de acordo con todo o que antecede, e no exercicio das competencias que ten atribuídas,
RESOLVE:
Primeiro.-Autoriza-la empresa Eurocontrol, S.A., para actuar como organismo de control para as actividades de inspección ambiental comprendidas nos ámbitos regulamentarios seguintes:
Calidade ambiental.
-Área atmosfera.
-Área augas.
-Área residuos.
Segundo.-Esta autorización ten un período de vixencia ata notificación en contra, podendo ser suspendida ou revogada ademais de nos casos recollidos na lexislación vixente, cando o sexa a citada acreditación de Enac.
Terceiro.-Eurocontrol, S.A., queda autorizada para actuar en todo o territorio do Estado, nos ámbitos
regulamentarios e período de vixencia establecidos nos puntos primeiro e segundo, respectivamente, debendo en calquera caso notificarlle á Administración competente da Comunidade Autónoma distinta da que o autorizou, o inicio da súa actividade.
Cuarto.-Esta autorización queda supeditada ás seguintes condicións:
a) Comunicarlle á Dirección Xeral de Calidade e Avaliación Ambiental, ó día seguinte de producirse calquera modificación das condicións ou requisitos que deron lugar a esta autorización, xuntando, se é o caso, o informe ou certificado da Entidade Nacional de Acreditación (Enac).
b) Cumpri-lo establecido, con carácter xeral, na Lei 21/1992, do 16 de xullo, de industria, e no R.D. 2200/1995, do 28 de decembro, no que sexa de aplicación.
c) Nas súas actuacións na Comunidade Autónoma de Galicia, cumpri-los requisitos suplementarios que no seu día poida establece-la Consellería de Medio Ambiente.
Contra esta resolución, que non esgota a vía administrativa, poderase interpor recurso de alzada, ante o conselleiro de Medio Ambiente, no prazo dun mes contado desde a data da súa notificación, de conformidade co artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común, modificado pola Lei 4/1999, do 13 de xaneiro.
Santiago de Compostela, 28 de febreiro de 2003.
José Luis Díez Yáñez
Director xeral de Calidade e Avaliación Ambiental