Aprobado inicialmente por resolución da Alcaldía do 16 de maio de 2003, o estudio de detalle para reaxustar aliñacións, ordenar volumes e concretar condicións estéticas e de composición da edificación na parcela situada no Areal 4, Cabanas, segundo proxecto redactado polo arquitecto José Miguel Vázquez García e promovido por Tecnipro Norte, S.L.
De acordo co disposto no artigo 86.2º da Lei 9/2002, do 30 de decembro, de ordenación urbanística e protección de medio rural de Galicia, o expediente instruído para o efecto sométese a información pública na secretaría do concello polo prazo de vinte días a contar desde a publicación do presente anuncio no DOG, co obxecto de que poida examinarse e, se é o caso, formula-las alegacións que consideren pertinentes.
Cabanas, 16 de maio de 2003.
Modesta Anca Rico
Alcaldesa