Por resolución do presidente de Portos de Galicia do 20 de decembro de 2003, publicada no Diario Oficial de Galicia nº 9, do 15 de xaneiro de 2003, convocouse concurso aberto para o outorgamento dunha concesión administrativa de explotación dunhas instalacións náutico-deportivas no porto de Miño.

Vista a proposta realizada pola mesa de contratación, o presidente de Portos de Galicia resolve declarar deserto o concurso por non acadar, a única oferta presentada, os requisitos necesarios incluídos no prego de condicións para a adxudicación do concurso.

Contra esta resolución, que pon fin á vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados desde o día seguinte ó da notificación desta resolución.

Non obstante, o interesado poderá optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1994, do 13 de xaneiro.

Santiago de Compostela, 30 de abril de 2003.

Carlos Negreira Souto

Presidente do ente público Portos de Galicia