Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: variante de liña entre os apoios nº 20 e nº 26 da L.A.T. 132 kV Sabón-Grela/San Marcos.

Situación: Arteixo.

Descricións técnicas: variante entre os apoios nº 20 e nº 26 da L.A.T. 132 kV Sabón-Grela/San Marcos, ó seu paso polo lugar de Oseiro, no municipio de Arteixo, consistente en:

-Tramo de liña eléctrica aérea de alta tensión, a 132 kV, sobre 6 apoios metálicos de celosía e 1 pórtico con conductor Condor LA-455, de 1.733 m de lonxitude, que parte do apoio nº 20 existente e finaliza no apoio tamén existente nº 26, con cable de terra e fibra óptica OPGW2..64F. Concello de Arteixo.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 28 de marzo de 2003.

Jesús Espada Martínez

Delegado provincial da Coruña