Con data do 12 de marzo de 2003, o/a instructor/a do procedemento dictou proposta de resolución do expediente sancionador nº 267/2002 PRO, incoado na Delegación Provincial da Consellería de Sanidade da Coruña a José Manuel Yáñez Rouco.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícase a José Manuel Yáñez Rouco o contido da dita proposta que figura como anexo, para que poida ter coñecemento dela.
Así mesmo fáiselle sabe-lo dereito que o asiste, ó abeiro do disposto no número 1º do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta delegación provincial no prazo de 15 días hábiles, contados desde o seguinte ó da publicación da presente cédula, lembrándolle-lo seu dereito a consulta-lo expediente, depositado nas dependencias desta delegación, sita na rúa Gregorio Hernández, 2-4, A Coruña e obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.
A presente cédula expídese para que conste e lle sirva de notificación ó interesado, en cumprimento do disposto no artigo 59.5º da Lei 30/1992, do 26 de novembro.
A Coruña, 8 de abril de 2003.
Jorge Suanzes Hernández
Delegado provincial da Coruña
ANEXO
Nº de expediente: 267/2002 PRO.
Denunciado: José Manuel Yáñez Rouco.
Último enderezo coñecido: O Atallo, nº 1-1º. Rego do Muíño. As Pontes de García Rodríguez.
Feito imputado: infracción á lexislación aplicable en materia de venda de bebidas alcohólicas a menores.
Precepto/s presuntamente infrinxido/s: artigo 35.B.1 da Lei 14/1986, xeral de sanidade e artigos 13.1º e 37.3º.a) da Lei 2/1996, de Galicia sobre drogas.
Tipificación provisional: grave.
Sanción proposta: 3.005,07 euros. Tres mil cinco euros con sete céntimos.
