De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento da empresa Productos Artesanos de Cospeito, S.A. titular do expediente LU/0245/P05 relativo á axuda ós proxectos empresariais de investimento (Lei 50/1985, de 27 de decembro), que con data 24 de xaneiro de 2003 o subdirector xeral da Dirección Xeral de Desenvolvemento da Industria e Incentivos Económicos do Ministerio de Economía resolveu o arquivo do expediente, por non remiti-la documentación requerida para completa-lo expediente.
Os actos obxecto do presente anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. A resolución de arquivo esgota a vía administrativa e contra ela poden interpor potestativamente recurso de reposición ante o Consello de Dirección do Igape no prazo máximo dun mes desde a publicación deste edicto no Diario Oficial de Galicia, ou directamente recurso contencioso-administrativo no prazo máximo de dous meses contados desde o seguinte ó da súa publicación no Diario Oficial de Galicia.
Santiago de Compostela, 1 de abril de 2003.
Margarita Rodríguez Rama
Directora xeral do Instituto Galego de Promoción Económica