De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento de Román Miralles, Francisco Javier titular do expediente 99/0091/PO relativo a axuda ós proxectos empresariais de investimento que contribúan á creación e mantemento de emprego estable (Orde do 7 de xullo de 1997, DOG nº 139, do 21 de xullo), que con data 7 de febreiro de 2003 a directora da Área de Financiamento do Igape resolveu o arquivo do expediente, por non manifesta-la súa aceptación á resolución de concesión de subvención do 30 de decembro de 1999 no prazo establecido no artigo 12.5º da Orde do 7 de xullo de 1997 (DOG nº 139, do 21 de xullo) da Consellería de Economía e Facenda e de acordo co artigo 91.2º da Lei 30/1992, do réxime xurídico das administracións públicas e do procedemento administrativo común.

Os actos obxecto do presente anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, do réxime xurídico das administracións públicas e do procedemento administrativo común. O expediente de arquivo non esgota a vía administrativa e contra este poderá interpor recurso de alzada, no prazo dun mes desde a publicación deste edicto no DOG. O expediente ponse de manifesto á entidade neste centro directivo sito en Santiago de Compostela, complexo administrativo San Lázaro, s/n.

Santiago de Compostela, 1 de abril de 2003.

Margarita Rodríguez Rama

Directora xeral do Instituto Galego de Promoción

Económica