Aprobados por acordo da Comisión Municipal de Goberno os pregos de condicións económico-administrativas que rexerán o procedemento para a contratación da execución das obras referenciadas, exponse ó público por 20 días hábiles, contados a partir do seguinte ó da publicación do presente anuncio no BOP, para que poida presentar reclamacións quen se considere interesado.
Simultáneamente anúnciase o concurso, se ben a licitación aprazarase canto resulte necesario de presentarse reclamacións ós pregos.
Durante o prazo de presentación de instancias permanecerá así mesmo exposto o correspondente proxecto técnico, podendo presentarse as alegacións que se entendan oportunas ó mesmo.
1. Entidade adxudicadora: Concello de Mos.
2. Obxecto do contrato: execución da obra de abastecemento de auga en Santiaguiño, zona industrial. Prazo de execución: 4 meses.
3. Tramitación: ordinaria. Procedemento: aberto. Forma: concurso.
4. Tipo de licitación: 152.978,47 euros, IVE e demáis tributos incluídos.
5. Garantías. Provisoria: non se esixe. Definitiva: 4% do importe da adxudicación.
6. Obtención de información e documentación: Concello de Mos. Reguengo 1, 36416 Petelos. Pontevedra. Teléfono: 986 33 12 00. Telefax: 986 33 66 18.
7. Requisitos xerais do contratista sinalados no prego de condicións administrativas. Clasificación: grupo E, subgrupo 1, categoría c).
8. Presentación de proposicións.
a) Prazo e lugar: no Concello de Mos (Pontevedra) durante os 13 días naturais desde o seguinte ó de publicación do presente anuncio no último dos boletíns nos que apareza (DOG ou BOP). De 9 a 14 horas de luns a venres; de 9 a 13 horas, os sábados, no rexistro xeral do concello ou da forma sinalada na cláusula 8 do prego de condicións.
b) Documentación que hai que presentar: as proposicións constarán de 2 sobres pechados, A e B, denominados de Documentación xeral e Documentación específica para o concurso, coas inscricións e contendo a documentación se sinala na cláusula 8 dos pregos de condicións.
9. Apertura das ofertas: ás 13 horas do día hábil seguinte ó de finalización do prazo para a presentación de proposicións (para efectos da apertura, o sábado considerarase inhábil).
10. Gastos de anuncios: por conta do adxudicatario.
11. Modelo de proposición contido nos pregos de condicións.
ANEXO
Modelo de proposición
D/Dª....., co DNI nº.....; actuando en nome propio ou en representación da entidade.....; con enderezo para efectos de notificacións en....., tendo coñecemento do concurso tramitado polo Concello de Mos para a execución da obra de abastecemento de auga en Santiaguiño-zona industrial e informado dos pregos aprobados para o efecto, comprométese a efectuala ofertando as seguintes melloras:
-Baixa sobre o tipo de licitación:.....euros (.....ptas.); que supón unha porcentaxe do.....% sobre tal tipo.
-Prazo de execución: .....
.....
(Lugar e data)
(Sinatura).
Mos, 3 de abril de 2003.
Ramón Alonso Fernández
Alcalde