Vista a acta da revisión salarial para o ano 2002 do convenio colectivo do sector de industrias do metal sen convenio propio, con número de código 3601155, que tivo entrada nesta delegación provincial o día 6-3-2003, subscrita pola comisión paritaria do convenio, en data 5-3-2003. De conformidade co disposto no artigo 45.c) do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 14 de marzo de 2003.
Joaquín Macías Sánchez
Delegado provincial de Pontevedra
Acta da reunión da comisión paritaria do convenio colectivo para empresas do metal sen convenio propio da provincia de Pontevedra que tivo lugar o 5 de marzo de 2003.
Asistentes.
Asime:
Javier Martínez López
Enrique M. Mallón Otero
Astra:
José Manuel Rodríguez Simón
Feca:
Representada por Asime
Foncalor:
Manuel Pérez Pérez
Instalectra:
Leonardo Pérez Alonso
CC.OO.:
Guillermo Gómez Rodríguez
Emilio Docampo Estévez
CIG:
Manuel Simón Graña
UGT:
José Antonio Álvarez González
Reunidos na sede social de Asime, na rúa Celso Emilio Ferreiro, 9, Vigo, e sendo as dezasete horas do día 5 de marzo de 2003, ten lugar a reunión da comisión paritaria do convenio colectivo para as empresas do metal sen convenio propio da provincia de Pontevedra, na que actúa como secretario José Manuel Rodríguez Simón e á que asisten as persoas relacionadas no encabezamento.
En primeiro lugar e coñecido o IPC real do ano 2002 e o laudo arbitral dictado para a interpretación que se ten que dar ó artigo 45.c) do convenio colectivo de referencia, acórdase asina-la revisión salarial do 2%.
O devengo dos atrasos prodúcese desde o 1 de abril de 2002 e o prazo para o aboamento deles terá como data límite o 30 de abril de 2003.
Nas táboas seguintes detállase o importe e diferencia que terá que aboar cada grupo profesional e nivel salarial.
Sen máis asuntos que tratar, levántase a sesión ás dezaoito horas do propio día fixado no encabezamento.
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA