A Dirección Xeral da Función Pública recibiu do Xulgado do Contencioso-Administrativo número un de Santiago de Compostela providencia pola que se admite a trámite a demanda tramitada polo procedemento abreviado número 73/2003, formulada pola Asociación Profesional de Capataces Forestais contra as ordes da Consellería da Presidencia, Relacións Institucionais e Administración Pública do 26 de decembro de 2002, polas que se convocan procesos selectivos para o acceso ás categorías correspondentes ós grupos III, IV e V do persoal laboral fixo da Xunta de Galicia (DOG nº 2, do 3-1-2003).

En consecuencia, esta dirección xeral acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo ó referido xulgado, o que se notifica para xeral coñecemento de tódalas persoas interesadas no procedemento e se emprazan para que poidan comparecer como parte nos autos no Xulgado do Contencioso-Administrativo de Santiago de Compostela no prazo de 9 (nove) días, contados desde o seguinte ó da publicación desta resolución no Diario Oficial de Galicia.

Santiago de Compostela, 2 de abril de 2003.

Belén Prado Sanjurjo

Directora xeral da Función Pública