En cumprimento da legalidade vixente, anúnciase concurso público para a contratación dos servicios de desenvolvemento de novos módulos do Sistema de Xestión Económico-Financeira do Igape (SXEF) e o mantemento do dito sistema.
1. Entidade adxudicadora.
a) Organismo: Instituto Galego de Promoción Económica (Igape), barrio de San Lázaro s/n, 15703 Santiago de Compostela.
b) Dependencia que tramita o expediente: Subdirección de Servicios Xurídicos.
c) Número de expediente: C.P.6/03.
2. Obxecto do contrato.
a) Descrición do obxecto: servicio de desenvolvemento de novos módulos do Sistema de Xestión Económico-Financeira (SXEF) e mantemento do sistema. Nomenclatura CNPA: 72.2.
b) Prazo de vixencia: o contrato estará vixente ata esgota-lo prezo máximo total do contrato e por prazo máximo dun ano desde a súa sinatura.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento base da licitación. Importe total: 120.000 A IVE incluído.
5. Garantía provisional: 2.400 A.
6. Obtención de documentación e información.
a) Entidade: Instituto Galego de Promoción Económica (Igape).
b) Domicilio: Complexo administrativo San Lázaro.
c) Localidade e código postal: Santiago de Compostela 15703.
d) Teléfono: 981 54 16 93.
e) Telefax: 981 54 10 92.
f) Data límite de obtención de documentos e información: coincide coa data límite de presentación de ofertas.
7. Requisitos específicos do contratista.
a) Clasificación: non procede.
b) Solvencia económica e financeira e solvencia técnica ou profesional: contar con suficiente solvencia económica e experiencia para a execución do contrato, o que se acreditará coa documentación especificada na letra C da folla de especificacións do prego tipo de cláusulas administrativas particulares.
8. Presentación de ofertas:
a) Data límite de presentación: o prazo de admisión finalizará ás 14 horas do oitavo día natural seguinte ó da publicación do anuncio de concurso no Diario Oficial de Galicia. De coincidir este en sábado ou domingo o prazo entenderase prorrogado ata as 14 horas do seguinte día hábil.
b) Documentación que hai que presentar: a indicada no prego de cláusulas administrativas particulares.
c) Lugar de presentación:
En sobre pechado e selado e dentro do prazo sinalado, presentaranse en:
1. Entidade: Rexistro Xeral do Instituto Galego de Promoción Económica.
2. Domicilio: complexo administrativo San Lázaro, s/n.
3. Localidade e código postal: Santiago de Compostela 15703.
Ou por correo, anunciando ó órgano de contratación a remisión da oferta mediante fax, télex, telegrama ou e-mail, conforme o previsto no prego de cláusulas administrativas particulares, que deber ter entrada no Igape antes do termo do prazo de presentación de ofertas, e xustificando a data de imposición do envío na oficina de correos.
d) Prazo durante o cal o licitador estará obrigado a mante-la súa oferta: corenta e cinco días desde a apertura das ofertas.
e) Admisión de variantes: non se admiten.
9. Apertura das ofertas.
a) Entidade: no Instituto Galego de Promoción Económica en Santiago de Compostela.
b) Domicilio: complexo administrativo San Lázaro, s/n.
c) Localidade: Santiago de Compostela.
d) Data: en acto público, o décimo día hábil seguinte ó do remate do prazo de presentación de ofertas procederase á apertura das proposicións técnicas e económicas.
e) Hora: 12 horas.
10. Outras informacións:
11. Gastos de anuncios: 1.300 A máximo, que serán por conta do adxudicatario.
12. Páxina web onde figuran as informacións relativas á convocatoria ou onde se poidan obte-los pregos: www.xunta.es/contratacion
En Santiago de Compostela, 2 de abril de 2003.
Margarita Rodríguez Rama
Directora xeral do Instituto Galego
de Promoción Económica