De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselle á persoa que no anexo se menciona a incoación do expediente sancionador, por infracción da Lei 1/1993, do 13 de abril, de protección de animais domésticos e salvaxes en catividade.
Que así mesmo, designo instructora do expediente a Pilar Pita Ponte e secretaria a Rosa María Siota Diéguez.
O que se notifica, para os efectos previstos no artigo 29 da devandita Lei de réxime xurídico das administracións públicas e do procedemento administrativo común, podendo recusalo en calquera momento do expediente por algunha das causas previstas no artigo 28 da citada lei.
Para os efectos previstos na Lei de réxime xurídico das administracións públicas e do procedemento administrativo común, o denunciado disporá dun prazo de quince días hábiles, contados a partir do seguinte ó da publicación desta notificación, para formula-las alegacións, achegar documentos ou achega-las probas que conveña ó seu dereito, advertíndolle que de non efectuar alegación ningunha no prazo fixado, este acordo de incoación poderá ser considerado proposta de resolución, de darse os supostos previstos no artigo 13 do Real decreto 1398/1993, do 4 de agosto (BOE do 9 de agosto).
Pontevedra, 14 de marzo de 2003.
José Antonio López Rodríguez
Delegado provincial de Pontevedra
ANEXO
Expediente: PO-A-2002/59.
Denunciado: Centro Hípico Zumanajor.
Enderezo: estrada A Forno do Duque, nº 21 de Camposancos (36778 A Guarda).
Feitos denunciados: carecer da documentación pertinente para a actividade e explotación de centro hípico (picadeiro).
Feitos denunciados ás 10.30 horas do día 11 de decembro de 2002, no espacio natural Baixo Miño en Camposancos (A Guarda).
Data do acordo da incoación: 13-1-2003.
Precepto infrinxido: infracción grave do artigo 21.1º f) da Lei 1/1993, do 13 de abril, de protección de animais domésticos e salvaxes en catividade.
Precepto sancionador: artigo 24 da Lei 1/1993, do 13 de decembro, de protección de animais domésticos e salvaxes en catividade.
Sanción: 600 euros.
