A Consellería de Xustiza, Interior e Administración Local, co fin de mellorar e garantir unha axeitada protección dos bens e das persoas e no proceso de coordina-las policías locais da Comunidade Autónoma, adoptou unha serie de medidas de apoio ós corpos de policía local de Galicia para que poidan dispoñer dun vehículo apropiado para o exercicio das funcións que lle son propias e cederlles en propiedade vehículos todoterreo ós concellos de: Arteixo, Boiro, Cedeira, Cerceda, Culleredo, Muros, Noia, Oleiros, Ordes, Padrón, Pontedeume, Rianxo, Burela, Chantada, Foz, Monforte de Lemos, Ribadeo, Sarria, Vilalba, Viveiro, O Carballiño, Celanova, O Barco de Valdeorras, Verín, Xinzo de Limia, A Estrada, A Guarda, Baiona, Bueu, Cambados, Gondomar, Lalín, Marín, Moaña, Ponteareas, O Porriño, Sanxenxo, Tui, Vilanova de Arousa.

Os vehículos que veñen sendo usados polos citados concellos para misións de policía local mediante diversos convenios asinados pola Xunta de Galicia con eles nos anos 1995 e 1996, por esta orde cédense en propiedade; e co fin de transmiti-la titularidade, observarase o establecido no artigo 31 e seguintes do Regulamento xeral de vehículos (Real decreto 2882/1998) e demais normativa de aplicación.

Esta cesión de bens mobles vén amparada pola Lei 3/1985, do patrimonio da Comunidade Autónoma, sempre que se dediquen a fins de utilidade pública ou interese social, esixindo o Decreto 50/1989, polo que se aproba o regulamento da citada lei, que a orde de cesión exprese a finalidade concreta a que as entidades beneficiarias deben destina-los bens, así como as súas condicións.

Na súa virtude, e en uso das facultades que teño atribuídas,

DISPOÑO:

Artigo 1º.-Obxecto.

O obxecto desta orde é acorda-la cesión en propiedade de varios vehículos todoterreo (relacionadas no anexo) a favor dos concellos galegos de: Arteixo, Boiro, Cedeira, Cerceda, Culleredo, Muros, Noia, Oleiros, Ordes, Padrón, Pontedeume, Rianxo, Burela, Chantada, Foz, Monforte de Lemos, Ribadeo, Sarria, Vilalba, Viveiro, O Carballiño, Celanova, O Barco de Valdeorras, Verín, Xinzo de Limia, A Estrada, A Guarda, Baiona, Bueu, Cambados, Gondomar, Lalín, Marín, Moaña, Ponteareas, O Porriño, Sanxenxo, Tui, Vilanova de Arousa.

Artigo 2º.-Condicións da cesión.

A cesión queda sometida ás seguintes cláusulas:

a) Os bens cedidos destinaranse a fins de policía local do concello tal e como esixe o artigo 35 bis da Lei 3/1985, do patrimonio da Comunidade Aut

b) Coa cesión outórgaselle a propiedade do vehículo ó concello, que se compromete a:

-Realizar ante a Xefatura Provincial de Tráfico os trámites precisos para o cambio da súa titularidade.

-Comunicar no prazo de tres días, á Consellería de Xustiza, Interior e Administración Local, ter feito o trámite anterior, achegando copia compulsada na que conste o cambio de titularidade.

Artigo 3º.-Formalización da cesión.

De conformidade co establecido pola citada Lei 3/1985 e o Decreto 50/1989; a cesión formalizarase mediante acta subscrita polo secretario xeral desta consellería ou funcionario en que delegue e polo órgano competente dos diferentes concellos debendo constar nela o acordo de cesión e a aceptación do cesionario.

Artigo 4º.-Facultades de control, vixilancia e revisión.

1. Se os bens cedidos non se aplicasen ó fin sinalado ou deixasen de estalo con posterioridade, se se descoidasen ou utilizasen con grave quebrantamento, ou se incumprisen as condicións do acordo, considerarase resolta a cesión e os bens reverterán á Comunidade Autónoma, que terá dereito a percibir, logo da taxación pericial, o valor dos detrimentos ou das deterioracións que experimentasen.

2. Á consellería cedente corresponderanlle as facultades de control e vixilancia da cesión, así como, se é o caso, a resolución dos expedientes de reversión.

Disposicións derradeiras

Primeira.-Facúltase o director xeral de Administración Local para dictar, no ámbito das dúas competencias, as resolucións precisas para o desenvolvemento desta orde, así como para realiza-los trámites necesarios para a súa efectividade.

Segunda.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 9 de abril de 2003.

Antonio Pillado Montero

Conselleiro de Xustiza, Interior

e Administración Local

ANEXO

Relación de vehículos todoterreo cedidos

en propiedade ós concellos galegos para realizar

actividades de policía local

* Marca e modelo: Nissan Terrano II, TD 2.7 Turbo, 5 prazas.