En cumprimento do artigo 2 e) do Real decreto 1040/1981, do 22 de maio, sobre rexistro e depósito de convenios colectivos de traballo, faise público o acordo acadado o 30 de xaneiro de 2003, pola comisión mixta paritaria do convenio colectivo Autoestradas de Galicia, Autopistas de Galicia, Concesionarias da Xunta de Galicia, S.A., relativo ás táboas salariais e de complementos para o ano 2002.

A Dirección Xeral de Relacións Laborais

ACORDA:

Primeiro.-Ordena-la inscrición do dito acordo no rexistro xeral de convenios desta dirección xeral.

Segundo.-Remiti-lo texto orixinal ó correspondente servicio deste centro directivo.

Terceiro.-Dispoñe-la súa publicación no Diario Oficial de Galicia.

Santiago de Compostela, 27 de febreiro de 2003.

Pilar Cancela Rodríguez

Directora xeral de Relacións Laborais

Acordo da comisión mixta empresa-delegados de persoal pola cal se aproban as táboas salariais e de complementos definitivas para o exercicio 2002.

En virtude da vixente redacción dos artigos 19 e 20 do covenio colectivo de ámbito interprovincial 1999-2002 de Autoestradas de Galicia, Autopistas de Galicia, Concesionaria da Xunta de Galicia, S.A., recoñecéndose mutuamente capacidade e lexitimación suficiente derivada dos poderes ou mandatos outorgados a cada unha das partes para tal efecto, que máis abaixo se relacionan, e reunidos en sesión ordinaria do 30 de xaneiro de 2003, deciden aprobar por unanimidade os seguintes acordos:

Artigo único.-Unha vez publicado polo Instituto Nacional de Estatística o IPC correspondente ó período decembro 2001-decembro 2002, as táboas salariais e de complemento nocturno vixentes con efectos do 1 de xaneiro de 2002 durante todo o exercicio 2002, actualízanse nos valores e importes seguintes:

Táboa complemento nocturno 2002

Complemento nocturno