Con data do 20 de xaneiro de 2003, o delegado provincial da Conselleria de Sanidade de Ourense dictou resolución do expediente sancionador nº 21/2002 incoado na Delegación Provincial de Ourense a Isaac Gallardo Castro, como propietario de Cafetería Dreams.
Intentada a notificación deste acordo, segundo o disposto no artigo 59 da Lei 30/1992, do 26 de novembro, de réxime xuridico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo, notifícaselle a Isaac Gallardo Castro o contido da referida resolución que figura como anexo, para que poida ter coñecemento dela.
Así mesmo, fáiselle sabe-lo dereito que o asiste para interpor recurso de alzada ante o conselleiro de Sanidade no prazo dun mes, contado desde o seguinte ó da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consulta-lo expediente, depositado nas dependencias desta delegación sita na avda. de Zamora, nº 13, Ourense, e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en calquera oficina de Caixa Galicia, cta. contable 840 código 001 ou de Caixanova Recadación Xunta modelo XTAX, e empregando os impresos normalizados que lle serán facilitados nas dependencias desta delegación provincial. O pagamento voluntario porá fin ó expediente. De non facelo así, procederase ó seu cobramento pola vía de constrinximento.
Esta cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 39/1992, do 26 de novembro.
Ourense, 28 de febreiro de 2003.
José F. Troncoso Casares
Delegado provincial de Ourense
ANEXO
1. Expediente sancionador nº 21/2002.
Denunciado: Isaac Gallardo Castro (Cafetería Dreams).
DNI: 44450307.
Último enderezo coñecido: rúa Doutor Temes Fernández, nº 20, Ourense.
Feito imputado: infracción en materia sanitaria.
Preceptos infrinxidos: artigo 1.2º a) do Decreto 157/1985, do 11 de xullo; artigo 13.4º da Lei 2/1996, do 8 de maio, da Xunta de Galicia sobre drogas, reiterado no artigo 7.3º do Decreto 75/2001, do 22 de marzo, sobre control sanitario da publicidade, promoción, subministración, venda e consumo de productos do tabaco.
Tipificación: artigo 5 en relación co 3 e 4 do Decreto 157/1985, do 11 de xullo; artigo 37.2º a) da Lei 2/1996, do 8 de maio; artigo 19.1º a) do Decreto 75/2001, do 22 de marzo; artigo 36.1º a) da Lei 14/1986, do 25 de abril, xeral de sanidade.
Sanción imposta: 60 euros (sesenta euros).