Obxecto do contrato: é a utilización de bens de uso público do Concello de Santiago de Compostela, que comprenden única e exclusivamente a zona de parque e paseos da alameda, para a instalación de barracas, carruseis e demais postos, elementos e xogos exclusivos e típicos de festa, durante as festas da Ascensión e do Apóstolo.
Tipo de licitación: a cantidade que o concesionario deberá aboar ó concello será de 108.000 euros IVE incluído como mínimo, realizándose as ofertas á alza.
Duración do contrato: desde o 15 de maio ata o 1 de xuño durante as festas da Ascensión e do 18 de xullo ó 3 de agosto durante as do Apóstolo.
Garantías. Fianza provisional: 3.005 euros. Fianza definitiva: 24.040,48 euros.
Prazo e lugar de presentación das proposicións: poderanse presentar no Rexistro Xeral do Concello de 9 a 14 horas en sobres pechados, coa documentación e requisitos esixidos no prego de condicións no prazo de oito días naturais contados a partir do día seguinte á data da derradeira das publicacións que corresponden facer no DOG e no BOP da Coruña.
Apertura de plicas: terá lugar na Casa do Concello (Secretaría) ás 12 horas o día hábil seguinte, non sábado, ó remate do prazo de presentación de proposicións.
Información e documentación: Concello de Santiago de Compostela (Sección de Contratación). Telf.: 981 54 30 33. Fax: 981 57 76 27.
Santiago de Compostela, 31 de marzo de 2003.
José A. Sánchez Bugallo
Alcalde