A Comisión Permanente do Consello Xeral do Poder Xudicial, na súa reunión do 18 de febreiro de 2003, acordou aproba-la presente proposta:
Primeiro.-Crear un ficheiro automatizado, facilitado polo Instituto Nacional de Estatística, con localización no Xulgado Decano da Coruña, formado cos
datos de identificación e enderezos dos residentes na provincia da Coruña, que consten nos padróns municipais e no censo electoral.
Segundo.-Finalidade. A identificación e localización de quen puidese ter dereito a intervir como parte nos procesos que se tramiten nos órganos xudiciais dependentes do Xulgado Decano da Coruña.
Terceiro.-Estructura básica do ficheiro. É unha base de datos relacional, que conterá o nome, apelidos, domicilio, sexo e data de nacemento dos residentes da provincia da Coruña.
Cuarto.-O responsable do ficheiro será o secretario xudicial do Xulgado Decano da Coruña, quen adoptará as medidas de xestión e organización que sexan necesarias, asegurando, en todo caso, a confidencialidade, garantías, obrigas e dereitos recoñecidos na Lei orgánica 15/1999, do 13 de decembro, e nas súas normas de desenvolvemento.
Quinto.-Medidas de seguridade. En cumprimento do disposto no artigo 4 do Real decreto 994/1999, do 11 de xuño, polo que se aproba o Regulamento de medidas de seguridade dos ficheiros automatizados que conteñan datos de carácter persoal, aplicaranse a este ficheiro as medidas de seguridade de nivel básico, previstas no dito regulamento.
Sexto.-Os dereitos de acceso, rectificación, cancelación e oposición poderán exercitarse polo afectado na sede do Xulgado Decano da Coruña e ante o secretario xudicial do dito xulgado.
Madrid, 18 de febreiro de 2003.
Francisco José Hernando Santiago
Presidente do Consello Xeral do Poder Xudicial