O Instituto Galego de Medicina Técnica está interesado en contratar un servicio de mensaxería, almacenamento e distribución de material con destino as súas distintas unidades xestionadas no Hospital do Meixoeiro, Hospital Xeral Cíes de Vigo, Hospital Santa María Nai de Ourense e oficinas centrais do instituto e Santiago de Compostela.
Nº expediente: AT/001/03.
Prazo de presentación de ofertas: deberán presentarse nas oficinas centrais do instituto, praza Europa, 5A-6º B, Área Central-As Fontiñas, 15703 Santiago de Compostela, de 9 a 14 horas, nos quince días naturais a partir da data de publicación no DOG.
Modalidade de adxudicación: procedemento aberto, concurso público.
Documentación de interese para os propoñentes: os pregos de condicións xurídicas e demais documentación complementaria poden ser solicitados nas oficinas centrais do Instituto Galego de Medicina Técnica. Tfno. 981 57 76 50.
A documentación pode ser consultada na páxina web do Sergas (http://www.sergas.es).
Apertura de sobres: os sobres nº 2 (referencias técnicas) e nº 3 (proposición económica) abriranse a partir das 11 horas do décimo día natural contado desde o seguinte a aquel no que remate o prazo de presentación de ofertas. No caso de que o antedito día coincida en sábado ou festivo, a apertura de proposicións terá lugar o día hábil seguinte.
O anuncio do concurso será por conta do/s adxudicatario/s.
Santiago de Compostela, 31 de marzo de 2003.
Julio Villar Barreiro
Director xerente do Instituto Galego de Medicina
Técnica, S.A.