De conformidade co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), e non sendo posible a práctica da notificación no domicilio sinalado polo interesado da resolución de reintegro da subvención do expediente administrativo, consonte o establecido na Orde do 4-2-2000 (DOG nº 33, do 17 de febreiro), publícase:

1. Expediente de reintegro: FM Reint. 2002/81-5.

Expediente de xestión: FM 341B 2000/70-5.

Orde da convocatoria: 4-2-2000 (DOG nº 33, do 17 de febreiro).

Interesado: Textil Costura 40, S.L.L.

Enderezo: aptdo. correos 101, 36930 Bueu (Pontevedra).

Asunto: resolución de reintegro por delegación do delegado provincial da Consellería de Familia e Promoción do Emprego, Muller e Xuventude, do 11 de novembro de 2002, ó abeiro da Orde do 4-2-2000.

Resolución:

-Antecedentes.

1. A baixa na sociedade laboral beneficiaria de socias traballadoras motivou o inicio do procedemento de reintegro das axudas percibidas pola súa incorporación. O acordo de inicio foi publicado no

DOG do 18-10-2002 e no taboleiro de edictos do Concello de Bueu.

2. O interesado non presentou alegacións no trámite de audiencia.

-Fundamentos.

I. A base quinta do anexo A da Orde do 4 de febreiro de 2000 (DOG do 17 de febreiro), reguladora das axudas para o fomento do emprego en empresas de economía social e para a promoción do emprego autónomo, obriga o beneficiario durante os tres anos seguintes á data da incorporación subvencionada, a manter ou, se é o caso, substituí-los socios traballadores polos que se concedese a subvención.

II. O artigo 10 da citada orde determina a revogación e o reintegro da axuda por parte do beneficiario, así como a esixencia do xuro de demora, nos casos e termos previstos no artigo 78 do texto refundido da Lei de réxime financeiro e orzamentario de Galicia, aprobado polo Decreto lexislativo 1/1999, do 7 de outubro (DOG do 5 de novembro).

En virtude do exposto e ó abeiro da competencia atribuída polo artigo 20.2º do Decreto 287/2000, do 21 de novembro, (DOG do 11 de decembro) polo que se desenvolve o réxime de axudas e subvencións públicas da Comunidade Autónoma de Galicia,

RESOLVO:

Declara-la procedencia do reintegro por parte de Textil Costura 40, S.L.L. da cantidade de 141.237,84 euros (23.500.000 pesetas) concedida na resolución desta delegación provincial do 5-4-2001 en concepto de subvención pola incorporación das socias traballadoras que se relacionan no anexo.

Os órganos competentes da Consellería de Economía e Facenda notificaranlle oportunamente o lugar, a forma e o prazo do ingreso na referida cantidade, así como a liquidación dos correspondentes xuros de demora, de conformidade coa Orde do 21 de xullo de 1998 (DOG do 7 de agosto).

Contra a presente resolución o interesado poderá interpoñer, ó abeiro dos artigos 107.1º, 114 e 115 de Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro (BOE do 14 de xaneiro), recurso de alzada ante a conselleira de Familia e Promoción do Emprego, Muller e Xuventude, no prazo dun mes contado desde o día seguinte ó da presente notificación.

Vigo, 11 de novembro de 2002. P.D. o delegado provincial. Asdo.: Joaquín Macías Sánchez.

Os correspondentes expedientes constan no Servicio de Emprego da Delegación Provincial da Consellería de Asuntos Sociais, Emprego e Relacións Laborais en Vigo.

Vigo, 27 de febreiro de 2003.

Joaquín Macías Sánchez

Delegado provincial de Pontevedra

ANEXO