Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 938/2002 seguidos por instancia de Marta María Arnaiz Fonte e outros contra W.S.I. Coruña, S.L. sobre despedimento, nos que recaeu sentencia con data do 28 de febreiro de 2003 que copiada nos particulares necesarios di así:
«Que estimando a demanda formulada por Marta María Arnaiz Fonte, Raquel Iglesias Rumbo, Antonia Rivas Otero e Manuel María Méndez López, declaro a improcedencia dos seus despedimentos e debido a situación de desaparecida da empresa declaro a extinción do contrato de traballo na data desta, resolución, e condeno a empresa W.S.I. Coruña, S.L. a que lles indemnice coa cantidade de 7.135,55 euros á sra. Arnaiz Fonte, 4.723,57 euros á sra. Iglesias Rumbo, 5.377,50 euros á sra. Rivas Otero, e 1.814,77 euros ó sr. Méndez López, así como a aboar en concepto de salarios de tramitación para o suposto de readmisión a cantidade de 2.990,57 euros á sra. Arnaiz Fonte, 2.893,17 euros á sra. Iglesias Rumbo, 2.973,27 euros á sra. Rivas Otero, e 4.331,84 euros ó sr. Méndez López.
Notifíquese esta resolución as partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.
Previndo á empresa demandada que para recorrer deberá acreditar ter ingreso na c/c de consignacións código 5604.0000.60 938.2002 de Banesto desta cidade denominada «Conta do Xulgado do Social número Tres» o importe da condena e 150,25 euros en concepto de depósito, requisitos sen os cales non será admitido a trámite o recurso quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa W.S.I. Coruña, S.L., expido e asino esta cédula na Coruña, 6 de marzo de 2003.
O secretario xudicial
Rubricado
CONSELLERÍA DE POLÍTICA TERRITORIAL, OBRAS PÚBLICAS
E VIVENDA