Con data do 10 de febreiro de 2003, mediante Resolución do 4 de febreiro de 2003, e de acordo co establecido nas bases reguladoras das axudas do Instituto Galego de Promoción Económica, fixéronse públicos os importes correspondentes ás reservas de crédito que para cada programa de axuda do Igape derivaban da aprobación dos orzamentos xerais da Comunidade Autónoma de Galicia para o ano 2003. Os citados importes referíanse unicamente á anualidade do exercicio 2003 das principais bases reguladoras de axudas. Unha vez aprobado o escenario de compromisos plurianuais para o instituto,
RESOLVO:
Facer público, de acordo cos importes que se relacionan no anexo, o máximo de compromisos plurianuais que se poden adquirir para o programa de proxectos empresariais de investimento durante os exercicios 2004, 2005 e 2006, así como as reservas de crédito para subvencións a fondo perdido ás accións de difusión da cultura emprendedora, dentro das bases reguladoras das axudas para o programa Emprendedores, e as reservas de crédito para as axudas ós custos de auditoría de contas nos programas de préstamos e garantías.
Santiago de Compostela, 24 de marzo de 2003.
Margarita Rodríguez Rama
Directora xeral do Instituto Galego
de Promoción Económica
ANEXO
* Compromisos máximos derivados de resolucións dictadas no exercicio 2003 ó abeiro das bases reguladoras de proxectos empresariais de investimento:
Partidas orzamentarias 02.01 10/01/01 656 e 02.01 10/02/01 656.
Exercicio 2004: 12.281.082,50 A.
Exercicio 2005: 13.549.994,08 A.
Exercicio 2006: 3.000.000 de A.
* Crédito en 2003 para subvencións a fondo perdido a accións de difusión da cultura emprendedora:
Partida orzamentaria 01.02 12/03/01 651: 25.000 A.
* Crédito en 2003 para o programa de axudas ós custos de auditoría:
-Prog. de préstamos ó sector audiovisual.
Partida orzamentaria 02.01 16/04/01.
Importe: 54.300 A.
-Programa de garantías.
Partida orzamentaria 02.01 16/04/02.
Importe: 90.000 A.
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA
