O Consello da Xerencia Municipal de Urbanismo, en sesión do 5 de decembro de 2002, acordou aprobar inicialmente o proxecto de estatutos para a constitución, por transformación da xunta de compensación, e funcionamento da entidade urbanística colaboradora de conservación da unidade de actuación IV-12 Ramón Nieto, 6.

Sométese o presente expediente ó trámite de información pública polo prazo de vinte días, mediante publicación do acordo no DOG, e dos estatutos, coas correccións sinalados no acordo, no BOP e taboleiro de anuncios da Xerencia Municipal de Urbanismo. O prazo de exposición pública entenderase aberto desde a primeira publicación ata o remate dos vinte días contados desde o derradeiro anuncio.

A documentación do presente expediente atópase ó dispor do público en xeral na Oficina de Información Urbanística, na planta baixa da Xerencia.

O presente anuncio servirá de notificación, nos termos establecidos nos artigos 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos e todas aqueles/as interesados/as directamente afectados/as que, por resultaren descoñecidos/as ou por ignora-lo seu domicilio, non poidan ser notificados/as persoalmente.

Vigo, 24 de marzo de 2003.

Lois Pérez Castrillo

Alcalde presidente da Xerencia Municipal

de Urbanismo