O Consello da Xerencia Municipal de Urbanismo, en sesión do 20 de febreiro de 2003, acordou aprobar inicialmente o proxecto de obras ordinarias da rúa Lugo, redactado polo arquitecto Gabriel Santos Zas, visado polo COAG no 14 de decembro de 2002 e promovido pola entidade mercantil Inmobiliaria Durán Gómez, S.A. (Indugosa), así como a necesidade de ocupación dos concretos bens e dereitos afectados para efectos de expropiación, descritos no devandito proxecto (expediente 4408/401).
Sométese o presente expediente ó trámite de información pública xunto coa relación concreta de bens e dereitos afectados pola expropiación, polo prazo dun mes, mediante publicación no DOG, BOP e nun dos xornais de maior difusión da provincia. O prazo de exposición pública entenderase aberto desde a primeira publicación ata o remate do mes contado desde o derradeiro anuncio.
A relación de bens e dereitos afectados é como segue:
Parc. Titular Domicilio Superficie
02 Rosina Álvarez Salido r/ Príncipe, 20 35,73 m
21 Joaquín Suárez Antelo r/ López de Neira, 7 19,20 m
22 Joaquín Suárez Antelo r/ López de Neira, 5 70,83 m
A documentación deste expediente atópase ó dispor do público en xeral na Oficina de Información Urbanística, na planta baixa da xerencia.
Este anuncio servirá de notificación nos termos establecidos nos artigos 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos e todas aqueles/as interesados/as directamente afectados/as que, por resultar descoñecidos/as ou por ignora-lo seu domicilio, non poidan ser notificados/as persoalmente.
Vigo, 27 de febreiro de 2003.
Lois Pérez Castrillo
Alcalde-presidente da Xerencia Municipal
de Urbanismo
