Aprobados inicialmente pola Comisión de Goberno, en sesión do 20 de febreiro de 2003, os pregos de cláusulas administrativas e técnicas que rexerán o concurso público por procedemento aberto do contrato para a adquisición de subministración de equipamento mobiliario e escenario no edificio de usos múltiples (Auditorio), expoñéndose ó público por un prazo de oito días hábiles, para os efectos de que os interesados poidan examinalos e formula-las alegacións que consideren oportunas.
Pola súa vez convócase licitación pública para a adxudicación da citada subministración, que quedaría aprazada no suposto de presentarse reclamacións ós pregos de bases, restablecéndose o que reste, a partir do día seguinte ó da resolución destas.
Obxecto. É a adxudicación, mediante concurso polo procedemento aberto, da subministración de
equipamento mobiliario e escenario no edificio de usos múltiples (Auditorio).
Tipo de licitación. 96.742,54 euros.
Prazo de entrega. 2 meses.
Garantía. A provisión establécese en 1.934,85 euros. A definitiva igual ó 4% do importe da adxudicación.
Presentación de proposicións. Presentaranse en sobres individuais na secretaría do concello, de 9 a 13 horas, durante o prazo de 26 días naturais, contados desde o día seguinte ó da publicación deste anuncio no BOP.
Apertura de plicas. Terá lugar ás nove horas do primeiro día hábil, seguinte ó que remate o prazo de presentación de proposicións. Se este fose sábado, terá lugar o primeiro día hábil seguinte.
Criterios de adxudicación. Serán os fixados na cláusula do correspondente prego de condicións.
Modelo de proposicións. O recollido na correspondente cláusula do prego de condicións. Os licitadores presentarán simultaneamente coa proposición e en sobre pechado os documentos que se indican na referida cláusula.
Gastos. Serán por conta do adxudicatario os gastos dos anuncios, así como tódolos derivados do contrato, incluídos os de transporte e entrega da subministración.
Vila de Cruces, 6 de marzo de 2003.
O alcalde-presidente
Rubricado